- «Ма», - дегенни билмесенг, «бер», - дегенни билмезсе.
- Гырджын – тепсини тамадасы.
- Чомарт къолда мал къалмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашыкъгъанны этеги бутуна чырмалыр.
- Биреуню къыйынлыгъы бла кесинге джол ишлеме.
- Акъыл къартда, джашда тюйюлдю – башдады.
- Хунаны тюбюн къазсанг, юсюнге ауар.
- Къозулугъунда тоймагъан, къойлугъунда тоймаз.
- Бойнуму джети джерден кессенг да, мен ол ишни этеллик тюлме.
- Тынгылагъан тынгы бузар.
- Узун джолну барсанг, бюгюн келирсе, къысха джолну барсанг, тамбла келирсе.
- Бети бедерден, намыс сакълама.
- Эм ашхы къайын ана мамукъ бла башынгы тешер.
- Арпа, будай – ащды, алтын, кюмюш а – ташды.
- Мал кёб болса, джууукъ кёб болур.
- Атлыны ашхысы, ат тизгининден билинир
- Мени джылытмагъан кюн, меннге тиймесин!
- Гыдай эчки суугъа къараб, мюйюзле кёрмесе, джашма алкъын, дегенди.
- Алгъанда – джууукъ, бергенде – джау.
- Эркишиге тары кебек танг кёрюнюр.
- Тау башында, тау болмаз, джангыз терек, бау болмаз.
- Къыз келсе, джумуш эте келеди, къатын келсе, ушакъ эте келеди.
- Чомарт къонакъ юй иесин сыйлар.
- Хантына кёре тузу, юйюне кёре къызы.
- Алтыннга тот къонмаз.
- Ёнгкюч къууана барыр, джылай келир.
- Ишлегенден, къарагъан уста.
- Къарнынг ауруса, ауузунгу тый
- Джырчы джырчыгъа – къарнаш.
- Ашхылыкъ джерде джатмайды, аманлыкъ суугъа батмайды.
- Тёрени джагъы джокъ.
- Тешигини къатында, чычхан да батыр болур.
- Ашда уялгъан – мухар, ишде уялгъан – хомух.
- Ариу сёз – джаннга азыкъ, аман сёз – башха къазыкъ.
- Ургъан суудан башынгы сакъла.
- Къазанчы аман болса, къазаны къайнамаз.
- Келинни – келгинчи, бёркню кийгинчи кёр.
- Сёз къанатсыз учар.
- Джарлыны эшигин махтагъан джабар.
- Адамны бетине къарама, адетине къара.
- Хазыр ашха – терен къашыкъ.
- Ётюрюкчюню шагъаты – къатында.
- Бичгенде ашыкъма, тикгенде ашыкъ.
- Сормай – алма, чакъырылмай – барма.
- Тойгъандан сора, ашны сёкме.
- Ёзденликни кёбю ётюрюк.
- Биреуге аманлыкъ этиб, кесинге игилик табмазса.
- Кесинге джетмегенни, кёб сёлешме.
- Аш иеси бла татлыды.
Профиль
|
|
|||