- Къан бла кирген, джан бла чыгъар.
- Таукелге нюр джауар.
- Уллу сёлешме да, уллу къаб.
- Ургъан суудан башынгы сакъла.
- Айырылгъанланы айю ашар, бёлюннгенлени бёрю ашар.
- Эл тойса, тоймагъан, эл къойса, къоймагъан.
- Итли къонакъ джарашмаз.
- Акъылсызны джууукъгъа алма, акъыллыны кенгнге салма.
- Байны оноуу, джарлыгъа джарамаз.
- Бойнуму джети джерден кессенг да, мен ол ишни этеллик тюлме.
- Хазыр ашха – терен къашыкъ.
- Сормай – алма, чакъырылмай – барма.
- Джиби бир къат джетмей эди да, эки къат тарта эди.
- Кюн кёрмеген, кюн кёрсе, кюндюз чыракъ джандырыр.
- Экеу тутушса, биреу джыгъылыр.
- Ишни аллы бла къууанма да, арты бла къууан.
- Адамны джюреги нени кёрюрге сюйсе, кёзю да аны кёрюрге ёч болады.
- Кёб джат да, бек чаб.
- Азыкълы ат арымаз, къатыны аман джарымаз.
- Хата – гитчеден.
- Байлыкъ адамны сокъур этер.
- Къарыусузгъа кюлме, онгсузгъа тийме.
- Баланы адам этген анады.
- Келинни – келгинчи, бёркню кийгинчи кёр.
- Чомарт къонакъ юй иесин сыйлар.
- Илму – джашауну джолу.
- Айран тёгюлсе, джугъусу къалыр.
- Керилген да, ургъан кибикди.
- Башсыз урчукъ тюзюне айланмаз.
- Урама да – ёледи, сатама да – келеди.
- Ашына кёре табагъы, балына кёре къалагъы.
- Джашда акъыл джокъ, къартда къарыу джокъ.
- Кёпюр салгъан кеси ётер, уру къазгъан кеси кетер.
- Джолунга кёре – джюрюшюнг, джагъанга кёре – юлюшюнг.
- Сёлеш деб шай берген, тохта деб, сом берген.
- Ётюрюкчюню шагъаты – къатында.
- Къулакъдан эсе, кёзге ышан.
- Хантына кёре тузу, юйюне кёре къызы.
- Ач келгенни – тойдур, кеч келгенни – къондур.
- Хунаны тюбюн къазсанг, юсюнге ауар.
- Махтаннган къыз, тойда джукълар.
- Тойчу джашха къарама, къойчу джашха къара.
- Къар – келтирди, суу – элтди.
- Тойгъандан сора, ашны сёкме.
- Тилде сюек болмаса да, сюек сындырыр.
- Адам къаллай бир ишленмесе, аллай бир кесин уллу кёреди.
- Сабийни джумушха джибер да, ызындан бар.
- Джаш болсун, къыз болсун, акъылы, саны тюз болсун.
- Ач – эснер, ат – кишнер.
- Джангыз терек къынгыр ёсер.
Профиль
|
|
|||