- Акъыллы эркиши атын махтар, акъылсыз эркиши къатынын махтар.
- Хар зат кесини орнуна иги.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашлыкъны арба юйге келтирир, чана базаргъа элтир.
- Тюзлюк шохлукъну бегитир.
- Нарт сёз – тилни бети.
- Къарт айтханны этмеген, къартаймаз.
- Аманнга игилик этсенг, юйюнге сау бармазса.
- Суугъа – таянма, джаугъа – ийнанма.
- Айран тёгюлсе, джугъусу къалыр.
- Кесинг сынамагъан затны, адамгъа буюрма.
- Адеб этмеген, адеб кёрмез.
- Къайгъы тюбю – тенгиз.
- Джарлыны тону джаз битер.
- Арба аугъандан сора, джол кёргюзтюучю кёб болур.
- Тулпарлыкъ, билекден тюл – джюрекден.
- Джаш къарыу бла кючлю, къарт акъыл бла кючлю.
- Уллу къазанда бишген эт, чий къалмаз.
- Адеб джокъда, намыс джокъ.
- Байдан умут эте, джарлыдан ёгюз багъасы къорады.
- Тил – кесген бычакъ, сёз – атылгъан окъ.
- Айтхан сёзюне табылгъан.
- Къыз тиширыу кеси юйюнде да къонакъды.
- Джашлыкъ этмеген, башлыкъ этмез.
- Айырылмаз джууугъунга, унутмаз сёзню айтма.
- Асхат ашлыкъ сата, юйдегиси ачдан къата.
- Сабийликде юретмесенг, уллу болса – тюзелмез.
- Чыбыкълыкъда бюгюлмеген, къазыкълыкъда бюгюлмей эди.
- Билим – акъылны чырагъы.
- Аман адам этегингден тутса, кес да къач.
- Кёб къычыргъандан – къоркъма, тынч олтургъандан – къоркъ.
- Джаханимни кёрмей, джандетге кёл салмазса.
- Сыфатында болмагъаны, суратында болмаз.
- Эки къатын алгъан – эки ташны ортасына башын салгъан.
- Насыб бютеу халкъны юлюшюдю.
- Къарыусузгъа кюлме, онгсузгъа тийме.
- Башда акъыл болмаса, эки аякъгъа кюч джетер.
- Ашхы тенг джолгъа салыр, аман тенг джолдан тайдырыр.
- Ана къойну – балагъа джандет.
- Ётюрюкден тюбю джокъ, кёлтюрюрге джиби джокъ.
- Къыйынлы джети элге оноу этер.
- Адам туугъан джеринде, ит тойгъан джеринде.
- Бойнуму джети джерден кессенг да, мен ол ишни этеллик тюлме.
- Аз сёлешген, къайгъысыз турур.
- Чабар ат – джетген къыз.
- Джарлыны эшигин махтагъан джабар.
- Намыс болмагъан джерде, насыб болмаз.
- Гитче джилтин уллу элни джандырыр.
- Акъыллы башны – тили къысха.
- Къарнынг къанлынга кийирир.
Профиль
|
|
|||