- Юйюнг бла джау болгъандан эсе, элинг бла джау бол.
- Мухар, кеси тойса да, кёзю тоймаз.
- Атлыны кёрсе, джаяуну буту талыр.
- Келгинчи, къонакъ уялыр, келгенден сора, къонакъбай уялыр.
- Тешигини къатында, чычхан да батыр болур.
- Туз, гырджын аша, тюзлюк бла джаша.
- Джылыгъа джылан илешир.
- Халкъны юйю – туугъан джери.
- Джумушакъ сёз къаты таякъны сындырыр.
- Юреннген ауруу къалмаз.
- Къазанда болса, чолпугъа чыгъар.
- Биреуню къыйынлыгъы бла кесинге джол ишлеме.
- Терслик кетер, тюзлюк джетер.
- Эки элинги тыйсанг, джети элде махталырса.
- Джеринден айырылгъан – джети джылар, джуртундан айырылгъан – ёлгюнчю джылар.
- Миллетни бойну – базыкъ, аны бла кюрешген – джазыкъ.
- Бети къызарыучу адамны, джюреги харам болмаз.
- Иги адам абынса да, джангылмаз.
- Намыс сатылыб алынмайды.
- Ач да бол, токъ да бол – намысынга бек бол.
- Тёрде – темир таякълы, къаяда – чыпчыкъ аякълы.
- Акъыл аздырмаз, билим тоздурмаз.
- Билмезни кёзю кёрмез, этмезни къулагъы эшитмез.
- Ашын ашагъанынгы, башын да сыйла.
- Тойгъа барсанг, тоюб бар, эски тонунгу къоюб бар.
- Юйлю уругъа ит чабмаз.
- Рысхы джалгъанды: келген да этер, кетген да этер.
- Келлик заман – къартлыкъ келтирир, кетген заман – джашлыкъ ёлтюрюр.
- Кёл ашады да, кеси ашады.
- Ойнаб айтсанг да, эслеб айт.
- Къонакъны къачан кетерин сорма, къачан келлигин сор.
- Тели турса – той бузар.
- Суугъа – таянма, джаугъа – ийнанма.
- Чыбыкълыкъда бюгюлмеген, къазыкълыкъда бюгюлмей эди.
- Телиге от эт десенг, юйюнге от салыр.
- Къатыны харакетли болса, эри къымсыз болур.
- Дуния мал дунияда къалады.
- Билим ат болуб да чабар, къуш болуб да учар.
- Тин – байлыгъынг, терен саулугъунг.
- Айранны сюйген, ийнек тутар.
- Къарын къуру болса, джюрек уру болур.
- Асхат ашлыкъ сата, юйдегиси ачдан къата.
- Кесине оноу эте билмеген, халкъына да эте билмез.
- Кёл – къызбай, къол – батыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Кесинг сынамагъан затны, адамгъа буюрма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чарсда алчыны эл кёреди.
- Чакъырылмагъан джерге барма, чакъырылгъан джерден къалма.
- Кёз – сюйген джерде, къол – ауругъан джерде.
Профиль
|
Liana Sh
 Эльбрусоид
Баллов: 0
Регистрация: 22.12.2011
Последний визит: 25.12.2011 15:45:36
|
|
||||||
|
|
|
||||||