- Ачлыкъ отха секиртир.
- Керек ташны ауурлугъу джокъ.
- Ишлемеген – тишлемез.
- Телиге акъыл салгъандан эсе, ёлгеннге джан салырса.
- Аман къатын сабий табса, бий болур…
- Мал кёб болса, джууукъ кёб болур.
- Бети къызарыучу адамны, джюреги харам болмаз.
- Кёлю джокъну – джолу джокъ.
- Ач къалгъандан, кеч къалгъан къолай.
- Джюрекден джюрекге джол барды.
- Билими азны – ауузунда кирит.
- Кесине оноу эте билмеген, халкъына да эте билмез.
- Узун джолну барсанг, бюгюн келирсе, къысха джолну барсанг, тамбла келирсе.
- Джаным-тиним – окъуу, билим.
- Харам къарнашдан, халал тенг ашхы.
- Биреуге кёлтюрген таягъынг, кесинги башынга урур.
- Тёрени джагъы джокъ.
- Бюгюн дуния кибик, тамбла ахыратды.
- Тешик этген тынчды, аны джамагъан къыйынды.
- Биреуге аманлыкъны тилеме да, кесинге ашхылыкъны тиле.
- Къарт айтханны этмеген, къартаймаз.
- Зар адам ашынгы ашар, кесинги сатар.
- Ханнга да келеди хариблик.
- Хазыр ашха – терен къашыкъ.
- Джарлыны тону джаз битер.
- Азыкълы ат арымаз, къатыны аман джарымаз.
- Джашлыкъ этмеген, башлыкъ этмез.
- Оюмсуз атлагъан, аджалсыз ёлюр.
- Къонакъ болсанг, ийнакъ бол.
- Ачыу алгъа келсе, акъыл артха къалады.
- Джарлы джети элни сёзюн этер.
- Биреуню къыйынлыгъы бла кесинге джол ишлеме.
- Арбаз сайлама да, хоншу сайла.
- Ойнай билмеген, уруб къачар.
- Ашхы атаны – джашы ашхы, ашхы ананы – къызы ашхы.
- Арба аугъандан сора, джол кёргюзтюучю кёб болур.
- Ашатыргъа иш – ашхы, ишлетирге аш – ашхы.
- Шапа кёб болса, аш татымсыз болур.
- Эки къатын алгъанны къулагъы тынгнгаймаз.
- Ёмюрлюк шохлукъну джел элтмез.
- Окъумагъан сокъурду, сокъур ташха абыныр!
- Экеу тутушса, биреу джыгъылыр.
- Чомарт къонакъ юй иесин сыйлар.
- Эки ойлашыб, бир сёлешген.
- Элни кючю – эмеген.
- Ашда уялгъан – мухар, ишде уялгъан – хомух.
- Этим кетсе да, сюегим къалыр.
- Сормай – алма, чакъырылмай – барма.
- Къартха ушагъан джаш – акъыллы, джашха ушагъан къарт – тели.
- Окъугъан – асыу, окъумагъан – джарсыу.
Профиль
|
|
|
|||