- Аман хансны – урлугъу кёб.
- Адамны адамлыгъы къыйынлыкъда айгъакъланады.
- Тау башында, тау болмаз, джангыз терек, бау болмаз.
- Алтыда кюлмеген, алтмышда кюлмез.
- Адамны сыфатына къарама, сёзюне къара.
- Джыланны къуйругъундан басарынг келсе, аны башы болгъанын унутма.
- Адамны артындан къара сабан сюрме.
- Ата – билек, ана – джюрек!
- Акъыл неден да кючлюдю.
- Аууздан келген, къолдан келсе, ким да патчах болур эди.
- Ата джурт – алтын бешик.
- Терслик кетер, тюзлюк джетер.
- Къазанчы аман болса, къазаны къайнамаз.
- Ата – баланы уясы.
- Тюзню ётмеги тюзде къалса да, тас болмаз.
- Болджал ишни бёрю ашар.
- Ёлген эшек бёрюден къоркъмайды.
- Ат да турмайды бир териде.
- Ётюрюкню къуйругъу – бир тутум.
- Юйлю уругъа ит чабмаз.
- Биреуге аманлыкъ этиб, кесинге игилик табмазса.
- Бал ашаргъа сюе эсенг, чибин ургъаннга тёз.
- Таукел тауну аудурур.
- Адам сёзюнден белгили.
- Ат басханны джер билед.
- Ата Джуртуму башы болмасам да, босагъасында ташы болайым.
- Тиширыусуз юй – отсуз от джагъа.
- Къыз чыгъаргъан – къызыл къымжа.
- Биреуню тёрюнден, кесинги эшик артынг игиди.
- Эркиши – от, тиширыу – суу.
- Эки элинги тыйсанг, джети элде махталырса.
- Аман киши кеси юйюнде – къонакъ.
- Ишлерге уял да, ашаргъа табма.
- Чомартха Тейри да борчлуду.
- «Ма», - дегенни билмесенг, «бер», - дегенни билмезсе.
- Кютгени беш эчки, сызгъыргъаны уа, джерни джарады.
- Тамбла алтындан бюгюн багъыр ашхы.
- Къонакъ кёб келюучю юйню, къазаны отдан тюшмез.
- Чомарт къолда мал къалмаз.
- Келинин тута билмеген, къул этер, къызын тута билмеген, тул этер.
- Чабакъ башындан чирийди.
- Ишлемеген – тишлемез.
- Эринчекни эр алмаз, эр алса да, кёл салмаз, кёл салса да, кёб бармаз!
- Биреуге кёлтюрген таягъынг, кесинги башынга урур.
- Тил бла келеди джыр да.
- Олтуруб кёрюнмей эди да, ёрге туруб кёрюне эди.
- Азыкълы ат арымаз, къатыны аман джарымаз.
- Къуллукъчума, деб махтанма, къуллукъ – хаух джамчыды!
- Кесине гебен этелмеген, биреуге черен эте эди.
- Сабийни джумушха джибер да, ызындан бар.
Профиль
|
|
|||