- Рысхы – сют юсюнде кёмюк кибикди.
- Эски джаугъа ышанма.
- Мураты болгъанны джюрек тебюую башхады.
- Зар адам ашынгы ашар, кесинги сатар.
- Адам къыйынлыгъын кёлтюрюр, зауукълугъун кёлтюрмез.
- Аман адам элни бир-бирине джау этер.
- Ариуну – ауруу кёб.
- Биреуню тёрюнден, кесинги эшик артынг игиди.
- Эрни эр этерик да, къара джер этерик да, тиширыуду.
- Тёзгеннге, джабылгъан эшик ачылыр.
- Ариу сёз джыланны орнундан чыгъарыр.
- Аман хансны – урлугъу кёб.
- Абынмазлыкъ аякъ джокъ, джангылмазлыкъ джаякъ джокъ.
- Ата джурт – алтын бешик.
- Байлыкъ адамны сокъур этер.
- Соргъан айыб тюлдю, билмеген айыбды.
- Бети къызарыучу адамны, джюреги харам болмаз.
- Адамны сыфатына къарама, сёзюне къара.
- Тели турса – той бузар.
- Адам сёзге тынгыла, акъыл сёзню ангыла.
- Биреуге кёлтюрген таягъынг, кесинги башынга урур.
- Ишни аллы бла къууанма да, арты бла къууан.
- Кёзю сокъурдан – къоркъма, кёлю сокъурдан – къоркъ.
- От кюйдюрген, сау болса да, тот кюйдюрген, сау болмаз.
- Кюлме джашха – келир башха.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёкдеги болмаса, джердегин кёрмейди.
- Ойнай билмеген, оюн бузар.
- Сагъышы джокъ – джукъучу, акъылы джокъ – къаугъачы.
- Сагъыш – къартлыкъгъа сюйюмчю.
- Терслик кетер, тюзлюк джетер.
- Кесине гебен этелмеген, биреуге черен эте эди.
- Чалманны аллы къалай башланса, арты да алай барады.
- Ана къойну – балагъа джандет.
- Экеулен сёлеше тура эселе, орталарына барыб кирме.
- Чомарт бергенин айтмаз.
- Эки къатын алгъан – эки ташны ортасына башын салгъан.
- Эри аманны, къатыны – аман.
- Экиндини кеч къылсанг, чабыб джетер ашхам.
- Намысы болмагъанны, сыйы болмаз.
- Джуртун къоругъан озар.
- Аман къатын сабий табса, бий болур…
- Джырчы джырчыгъа – къарнаш.
- Кийим тукъум сордурур.
- Азыкъ аз болса, эртде орун сал.
- Сабыр джетер муратха, сабырсыз къалыр уятха.
- Тойгъандан сора, ашны сёкме.
- Артына баргъанны, къатына барма.
- Хоншуну тауугъу къаз кёрюнюр, келини къыз кёрюнюр.
- Нафысынгы айтханын этме, намысынгы айтханын эт.
Профиль
|
|
|||