Эльбрусоид :: Форум

Чабакъгъа акъыл, табагъа тюшсе келеди.
Кеси юйюмде мен да ханма.
Берекет берсин деген джерде, берекет болур.
Окъугъан – асыу, окъумагъан – джарсыу.
Татлы сёз – балдан татлы.
Окъумагъан сокъурду, сокъур ташха абыныр!
Артына баргъанны, къатына барма.
Кечеси – аяз, кюню – къыш, джарлы къаргъагъа бир аш тюш!
Къарт айтханны этмеген, къартаймаз.
Ашхы – джыяр, аман – джояр.
Ойнай билмеген, уруб къачар.
Харам къарнашдан, халал тенг ашхы.
Адам бла мюлк юлешмеген эсенг, ол адамны билиб бошагъанма, деб кесинги алдама.
Биреуге аманлыкъны тилеме да, кесинге ашхылыкъны тиле.
Накъырда – кертини келечиси.
Этни бети бла шорпасы.
Ханнга да келеди хариблик.
Ачыу алгъа келсе, акъыл артха къалады.
Билгенни къолу къарны джандырыр.
Суу кетер, таш къалыр.
Ач бёрюге мекям джокъ.
Билеги кючлю, бирни джыгъар, билими кючлю, мингни джыгъар.
Къар – келтирди, суу – элтди.
Ауругъанны сау билмез, ач къарынны токъ билмез.
Чоюнну башы ачыкъ болса, итге уят керекди.
Кюн – узун, ёмюр – къысха.
Къайгъыны сюйген, къайгъы табар.
Чыбыкълыкъда бюгюлмеген, къазыкълыкъда бюгюлмей эди.
Джангыз торгъай джырламаз.
Кёб джашагъан – кёб билир.
Акъыл аздырмаз, билим тоздурмаз.
Башы ишлегенни, ауузу да ишлер.
Ашаса, ашамаса да, бёрюню ауузу – къан.
Адам сёзюнден белгили.
Адам къыйынлыгъын кёлтюрюр, зауукълугъун кёлтюрмез.
Джан саулукъ бермей, сан саулукъ бермезсе.
Джумушакъ сёз къаты таякъны сындырыр.
Къарт бла баш аша, джаш бла аякъ аша.
Уллу сёзде уят джокъ.
Сабийликде юретмесенг, уллу болса – тюзелмез.
Джюрекге ариу – кёзге да ариу.
Джюрек кёзден алгъа кёрюр.
Тулпарлыкъ, билекден тюл – джюрекден.
Илму – джашауну джолу.
Ашхылыкъ джерде джатмайды, аманлыкъ суугъа батмайды.
Арыгъан къош чамчы болур.
Ашлыкъ – бюртюкден, джюн – тюкден.
Ариу сёз аурууунгу алыр.
Тенги кёбню джау алмаз, акъылы кёбню дау алмаз.
Бек анасы джыламаз.

Логин:
Пароль:
	Запомнить меня на этом компьютере

Забыли свой пароль?
Регистрация