- Къобан да къуру да къобханлай турмайды, адам да къуру да патчахлай турмайды.
- Тойгъанлыкъ къойгъа джарашады.
- Булут кёкге джарашыу, уят бетге джарашыу.
- Тойгъан джерден туугъан джер игиди.
- Арыгъан къош чамчы болур.
- Рысхы – насыбха къор.
- Халкъгъа джарагъан, джарлы къалмаз.
- Азыкълы ат арымаз, къатыны аман джарымаз.
- Ариу сёз – джаннга азыкъ, аман сёз – башха къазыкъ.
- Иги болса, тамадама – махтау, аман болса, меннге – айыб.
- Телини эшигин, махтау джабар.
- Тойчу джашха къарама, къойчу джашха къара.
- Биреуню тёрюнден, кесинги эшик артынг игиди.
- Акъыллы – эл иеси, тели – эл баласы.
- Окъдан джара эртде-кеч болса да бителир, сёз джара, ёмюрге къалыр.
- Ана къолу ачытмаз.
- Кёб джат да, бек чаб.
- Башда акъыл болмаса, эки аякъгъа кюч джетер.
- Байлыкъдан саулукъ ашхыды.
- Алтыннга тот къонмаз.
- Билим ат болуб да чабар, къуш болуб да учар.
- Ач – эснер, ат – кишнер.
- Тай асырагъан, атха минер.
- Таякъ этден ётер, тил сюекден ётер.
- Уллу сёзде уят джокъ.
- Джаным-тиним – окъуу, билим.
- Тили узунну, намысы – къысха.
- Чабар ат – джетген къыз.
- Намысы джокъну – дуниясы джокъ.
- Къонакъ болсанг, ийнакъ бол.
- Тин – байлыгъынг, терен саулугъунг.
- Эл тойса, тоймагъан, эл къойса, къоймагъан.
- Байлыкъ болгъан джерде, тынчлыкъ джокъду.
- Окъ къызбайны джокълайды.
- Хантына кёре тузу, юйюне кёре къызы.
- Ханы къызы буюгъа-буюгъа киштик болду.
- Ишни аллы бла къууанма да, арты бла къууан.
- Къарын къуру болса, джюрек уру болур.
- Намыс болмагъан джерде, насыб болмаз.
- Биреуге аманлыкъны тилеме да, кесинге ашхылыкъны тиле.
- Ашаса, ашамаса да, бёрюню ауузу – къан.
- Къыз келсе, джумуш эте келеди, къатын келсе, ушакъ эте келеди.
- Аман киши кеси юйюнде – къонакъ.
- Чакъырылгъанны аты, чакъырылмагъанны багъасы болур.
- Арбаз къынгырды да, ийнек сауалмайма.
- Ойнай-ойнай кёз чыгъар.
- Суу ичген шауданынга тюкюрме.
- Эте билген, этген этеди, эте билмеген, юретген этеди!
- Айтылгъан сёз ызына къайтмаз.
- Гугук кесини атын айтыб къычыргъанча, мен, мен деб нек тураса?
Профиль
|
|
|||