- Тойгъа алгъа да барма, тойда артха да къалма.
- Окъугъан – асыу, окъумагъан – джарсыу.
- Акъыл бла адеб эгизледиле.
- Къарнынг къанлынга кийирир.
- Айырылгъанланы айю ашар, бёлюннгенлени бёрю ашар.
- Къошда джокъгъа – юлюш джокъ.
- Байны оноуу, джарлыгъа джарамаз.
- Кёб къычыргъандан – къоркъма, тынч олтургъандан – къоркъ.
- Къыз келсе, джумуш эте келеди, къатын келсе, ушакъ эте келеди.
- Джашынгы кесинг юретмесенг, джашау юретир.
- Аууздан келген, къолдан келсе, ким да патчах болур эди.
- Намыс болмагъан джерде, насыб болмаз.
- Бал чибинни ургъаны – ачы, балы – татлы.
- Джарлы тюеге минсе да, ит къабар.
- Чомартны къолу берекет.
- Тешик этген тынчды, аны джамагъан къыйынды.
- Адебсиз адам – джюгенсиз ат.
- Халкъны джырын джырласанг, халкъ санга эжиу этер.
- Къонакъны къачан кетерин сорма, къачан келлигин сор.
- От кюйдюрген, сау болса да, тот кюйдюрген, сау болмаз.
- Рысхысына кёре, джаш ёсер, къышлыгъына кёре, мал ёсер.
- Азыкъ аз болса, эртде орун сал.
- Сибиртки да сыйлы болду, кюрек да кюнлю болду.
- Ашыкъгъанны этеги бутуна чырмалыр.
- Джылыгъа джылан илешир.
- Тёзген – тёш ашар!
- Сакъламагъан затынга джолукъсанг, не бек къууанаса, не бек ачыйса.
- Айтылгъан буйрукъ, сёгюлмез
- Аман къатын алгъан, арыр, иги къатын алгъан джарыр.
- Сютден ауузу кюйген, суугъа юфгюре эди.
- Оюмсуз атлагъан, аджалсыз ёлюр.
- Иесиз малны бёрю ашар.
- Эте билген, этген этеди, эте билмеген, юретген этеди!
- Кёбден умут этиб, аздан къуру къалма.
- Адам боллукъ, атламындан белгили болур.
- Суу да къайтады чыкъгъан джерине.
- Суугъа – чабакъ, къаягъа – ыргъакъ.
- Къыз тиширыу кеси юйюнде да къонакъды.
- Джарашыу сюйген – джалынчакъ.
- Ач бёрюге мекям джокъ.
- Чомартха Тейри да борчлуду.
- Кирсизни – саны таза, халалны – къаны таза.
- Эл ауузу – элия.
- Сёз – кюмюш, джыр – алтын.
- Ауузу аманнга «иги», деме.
- Алгъанда – джууукъ, бергенде – джау.
- Билим къая тешер.
- Башланнган иш битер, къымылдагъан тиш тюшер.
- Бет бетге къараса, бет да джерге къарар.
- Алтыда кюлмеген, алтмышда кюлмез.
Профиль
|
|
|
|||