- Бети къызарыучу адамны, джюреги харам болмаз.
- Бек анасы джыламаз.
- Чакъырылмагъан къонакъ тёрге атламаз.
- Мени джылытмагъан кюн, меннге тиймесин!
- Таугъа чыгъаллыкъ эсенг, тюзде къалма.
- Джангыз торгъай джырламаз.
- Эл бла кёргенинг эрелей.
- Окъдан джара эртде-кеч болса да бителир, сёз джара, ёмюрге къалыр.
- Аш кетер да бет къалыр.
- Эл ауузу – элия.
- Рысхы – сют юсюнде кёмюк кибикди.
- Чакъырылмагъан къонакъ къачан кетерин сормаз.
- Эрине къаргъыш этген къатын, эрнин къабар.
- Эки итни арасына сюек атма, эки адамны арасында сёз чыгъарма.
- Къайгъыны сюйген, къайгъы табар.
- Адамны сабийин сюйген джюреги, бычакъча, джитиди.
- Ана кёлю – балада, бала кёлю – талада.
- Биреуге аманлыкъны тилеме да, кесинге ашхылыкъны тиле.
- Тешик этген тынчды, аны джамагъан къыйынды.
- Кюн – узун, ёмюр – къысха.
- Эр сокъур болсун, къатын тилсиз болсун.
- Хоншуну тауугъу къаз кёрюнюр, келини къыз кёрюнюр.
- Акъыллы башны – тили къысха.
- Чомарт бергенин айтмаз.
- Тойгъа алгъа да барма, тойда артха да къалма.
- Ушамагъан – джукъмаз.
- Атлыны ашхысы, ат тизгининден билинир
- Эринчекни аурууу – кёб.
- Орну джокъну – сыйы джокъ.
- Уясында не кёрсе, учханында аны этер.
- Окъугъанны бети джарыкъ.
- Келинни – келгинчи, бёркню кийгинчи кёр.
- Тай асырагъан, атха минер.
- Кёл ашады да, кеси ашады.
- Гырджын – тепсини тамадасы.
- Къатыны харакетли болса, эри къымсыз болур.
- Урунуу – насыбны анасы.
- Кеси юйюмде мен да ханма.
- Айранын берсенг, челегин да къызгъанма.
- Къозулугъунда тоймагъан, къойлугъунда тоймаз.
- Чомартха хар кюн да байрамды.
- Этек чакъмакълары баш джаргъан, сёлешген сёзлери таш джаргъан.
- Ашха уста, юйюнде болсун
- Зар адамны насыбы болмаз.
- Къонакъ хазыр болгъанлыкъгъа, къонакъбай хазыр тюлдю.
- Адам къаллай бир ишленмесе, аллай бир кесин уллу кёреди.
- Эркишиге тары кебек танг кёрюнюр.
- Байма, деб да, къууанма, джарлыма, деб да, джылама.
- Ауругъанны сау билмез, ач къарынны токъ билмез.
- Кёпюр салгъан кеси ётер, уру къазгъан кеси кетер.
Профиль
|
|
|||