- Aдам боллукъ, сыфатындан белгили.
- Тойгъан джерден туугъан джер игиди.
- Киштикге къанат битсе, чыпчыкъ къалмаз эди.
- Къонагъынгы артмагъын алма да, алгъышын ал.
- Бет бетге къараса, бет да джерге къарар.
- Сабий болмагъан джерде, мёлек болмаз.
- Малны кют, джерни тюрт.
- Къая джолда джортма, ачыкъ сёзден къоркъма.
- Иги джашны ышаны – аз сёлешиб, кёб тынгылар.
- Туз, гырджын аша, тюзлюк бла джаша.
- Эркиши – от, тиширыу – суу.
- Иги адам абынса да, джангылмаз.
- Чакъырылмагъан къонакъ – орунсуз.
- Акъыллы – эл иеси, тели – эл баласы.
- Кирсизни – саны таза, халалны – къаны таза.
- Эки ойлашыб, бир сёлешген.
- Ёзденликни джайгъан – джокълукъ.
- Эм уллу байлыкъ – джан саулукъ.
- Хаухну атма, ёнгкючню сатма.
- Огъурлуну сёзю – суу, огъурсузну сёзю – уу.
- Баргъанынга кёре болур келгенинг.
- Таугъа чыгъаллыкъ эсенг, тюзде къалма.
- Ёксюзню къалачы уллу кёрюнюр.
- Кёбден умут этиб, аздан къуру къалма.
- Биреуге аманлыкъ этиб, кесинге игилик табмазса.
- Харам къарнашдан, халал тенг ашхы.
- Аман хансны – урлугъу кёб.
- Къыз тиширыу кеси юйюнде да къонакъды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тёрде – темир таякълы, къаяда – чыпчыкъ аякълы.
- Ариу сёз аурууунгу алыр.
- Чомарт джарлы болмаз.
- Аджалсыз ёлюм болмаз.
- Ана къойну – балагъа джандет.
- Мен да «сен», дейме, сен да «кесим», дейсе.
- Ана кёлю – балада, бала кёлю – талада.
- Таш ата билмеген, башына урур.
- Бир абыннган – минг сюрюнюр.
- Тамырсыз терекге таянма – джыгъылырса.
- Тёрени джагъы джокъ.
- Чомарт бергенин айтмаз.
- Этни бети бла шорпасы.
- Билмегенинги, билгеннге сор.
- Эл ауузу – элия.
- Рысхы джалгъанды: келген да этер, кетген да этер.
- Ашатыргъа иш – ашхы, ишлетирге аш – ашхы.
- Джангызны оту джарыкъ джанмаз!
- Мал тутхан – май джалар.
- Окъ къызбайны джокълайды.
- Хантына кёре тузу, юйюне кёре къызы.
Профиль
|
|
|||