- Тура эдим джата, къайдан чыкъды хата?
- Къарнынг тойгъунчу аша да, белинг талгъынчы ишле.
- Кёз – сюйген джерде, къол – ауругъан джерде.
- Ёксюзню къалачы уллу кёрюнюр.
- Билимден уллу байлыкъ джокъду.
- Бермеген къол, алмайды.
- Билмейме деген – бир сёз
- Джашынгы кесинг юретмесенг, джашау юретир.
- Телиге от эт десенг, юйюнге от салыр.
- Кийимни бир кюнню аясанг, минг кюннге джарар.
- Эл тойса, тоймагъан, эл къойса, къоймагъан.
- Арбаз къынгырды да, ийнек сауалмайма.
- Экеулен сёлеше тура эселе, орталарына барыб кирме.
- Таякъ этден ётер, тил сюекден ётер.
- Джол бла сёзню къыйыры джокъ.
- Къайгъыны сюйген, къайгъы табар.
- Ач къалгъандан, кеч къалгъан къолай.
- Ариуну – ауруу кёб.
- Адамны адамлыгъы къыйынлыкъда айгъакъланады.
- Кёзю сокъурдан – къоркъма, кёлю сокъурдан – къоркъ.
- Кёб къычыргъандан – къоркъма, тынч олтургъандан – къоркъ.
- Аманнга алтын чыдамаз.
- Татлы тилде – сёз ариу, чемер къолда – иш ариу.
- Тас болгъан бычакъны сабы – алтын.
- Бир онгсуз адам адет чыгъарды, деб эштирик тюлсе.
- Тёгюлген тюгел джыйылмайды.
- Къралынгы – душмандан, башынгы от бла суудан сакъла.
- Къарт айтханны этмеген, къартаймаз.
- Уллу сёлешме да, уллу къаб.
- Нарт сёз – тилни бети.
- Ата – баланы уясы.
- Бал ашаргъа сюе эсенг, чибин ургъаннга тёз.
- Терек ауса, отунчу – кёб.
- Ариу сёз аурууунгу алыр.
- Окъумагъан сокъурду, сокъур ташха абыныр!
- Айтхан – тынч, этген – къыйын.
- Эли джокъну – кёлю джокъ.
- Адамны аты башхача, акъылы да башхады.
- Чакъырылгъанны аты, чакъырылмагъанны багъасы болур.
- Болджал ишни бёрю ашар.
- Ачыу алгъа келсе, акъыл артха къалады.
- Термилгенинги табмазса, кюлгенинге тюберсе.
- Халкъны джырын джырласанг, халкъ санга эжиу этер.
- Джумушакъ терекни къурт ашар.
- Нафысынгы айтханын этме, намысынгы айтханын эт.
- Къыз чыгъаргъан – къызыл къымжа.
- Азыкълы ат арымаз, къатыны аман джарымаз.
- Келлик заман – къартлыкъ келтирир, кетген заман – джашлыкъ ёлтюрюр.
- Ашыкъгъанны этеги бутуна чырмалыр.
- Ауругъанны сау билмез, ач къарынны токъ билмез.
Профиль
|
|
|||