- Къуллукъчума, деб махтанма, къуллукъ – хаух джамчыды!
- Окъугъан озар, окъумагъан тозар.
- Тынгылагъан тынгы бузар.
- Айран ичген – къутулду, джугъусун джалагъан – тутулду.
- Джеринден айырылгъан – джети джылар, джуртундан айырылгъан – ёлгюнчю джылар.
- Аманнга игилик этсенг, юйюнге сау бармазса.
- Сёз къанатсыз учар.
- Кесинге джетмегенни, кёб сёлешме.
- Терек ауса, отунчу – кёб.
- Мен да «сен», дейме, сен да «кесим», дейсе.
- Джыгъылгъанны сырты джерден тоймаз.
- Накъырда – кертини келечиси.
- Билим насыб берир, билим джолну керир.
- Къалгъан ишге къар джауар.
- Окъ къызбайны джокълайды.
- Бал чибинни ургъаны – ачы, балы – татлы.
- Минг тенг да азды, бир джау да кёбдю.
- Джыйырма къойну юч джыйырма эбзе кюте эди.
- Къонакъ аман болса, къонакъбай джунчур
- Хоншуну тауугъу къаз кёрюнюр, келини къыз кёрюнюр.
- Этни да ашады, бетни да ашады.
- Юре билмеген ит, къонакъ келтирир.
- Айтылгъан буйрукъ, сёгюлмез
- Керек ташны ауурлугъу джокъ.
- Аурууну келиую тынч, кетиую – къыйын.
- Нёгер болсанг, тенг бол, тенг болмасанг, кенг бол.
- Адамны аманы адамны бети бла ойнар.
- Джарлыны эшигин махтагъан джабар.
- Ашда – бёрю, ишде – ёлю.
- Уллу къазанда бишген эт, чий къалмаз.
- Тойну къарнашы – харс, джырны къарнашы – эжиу.
- Кийимни бир кюнню аясанг, минг кюннге джарар.
- Таш ата билмеген, башына урур.
- Бичгенде ашыкъма, тикгенде ашыкъ.
- Орундукъ тюбюнде атылсам да, орта джиликме, де да айлан.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашыкъгъанны этеги бутуна чырмалыр.
- Къартны бурнун сюрт да, оноугъа тут.
- Босагъагъа джууукъ орун болса, ашыгъыб тёрге озма.
- Ариу сёз – джаннга азыкъ, аман сёз – башха къазыкъ.
- Кирсизни – саны таза, халалны – къаны таза.
- Чакъырылмай келген къонакъ сыйланмай кетер.
- Атлыны ашхысы, ат тизгининден билинир
- Адамны джюреги нени кёрюрге сюйсе, кёзю да аны кёрюрге ёч болады.
- Агъач – джерни чырайы, кийим – эрни чырайы.
- Аман адам этегингден тутса, кес да къач.
- Ургъан суудан башынгы сакъла.
- Атадан ёксюз – бир ёксюз, анадан ёксюз – эки ёксюз.
- Тыш элде солтан болгъандан эсе, кесинги элде олтан болгъан игиди!
- Огъурлуну сёзю – суу, огъурсузну сёзю – уу.
Профиль
|
|
|||