- Акъыллы башны – тили къысха.
- Тура эдим джата, къайдан чыкъды хата?
- Адамны бетине къарама, адетине къара.
- Арбаз сайлама да, хоншу сайла.
- Джеринден айырылгъан – джети джылар, джуртундан айырылгъан – ёлгюнчю джылар.
- Билим насыб берир, билим джолну керир.
- Сакъ юйюне сау барыр.
- Аш кетер да бет къалыр.
- Къатыны харакетли болса, эри къымсыз болур.
- Сескекли кесин билдирир.
- Баш болса, бёрк табылыр.
- Иесиз малны бёрю ашар.
- Босагъа таш юйге кирмей эди, тыбыр таш эшикге чыкъмай эди.
- Джыгъылгъанны сырты джерден тоймаз.
- Тамырсыз терекге таянма – джыгъылырса.
- Акъыл неден да кючлюдю.
- Кёлю джокъну – джолу джокъ.
- Ёзденликни кёбю ётюрюк.
- Халкъны юйю – туугъан джери.
- Чабакъгъа акъыл, табагъа тюшсе келеди.
- Рысхы – насыбха къор.
- Кёрмегеннге кебек – танг, битмегеннге сакъал – танг.
- Уясында не кёрсе, учханында аны этер.
- Къарт бла баш аша, джаш бла аякъ аша.
- Ойнаб айтсанг да, эслеб айт.
- Байлыкъ болгъан джерде, тынчлыкъ джокъду.
- Сабий кёргенин унутмаз.
- Джылар джаш, атасыны сакъалы бла ойнар.
- Адам къыйынлыгъын кёлтюрюр, зауукълугъун кёлтюрмез.
- Мухарны эси – ашарыкъда.
- Тёзгеннге, джабылгъан эшик ачылыр.
- Къууут – джелге, берне – бошха.
- Ауузу аманнга «иги», деме.
- Тойгъан джерден туугъан джер игиди.
- Бал чибинни ургъаны – ачы, балы – татлы.
- Татлы тилде – сёз ариу, чемер къолда – иш ариу.
- Иги болса, тамадама – махтау, аман болса, меннге – айыб.
- Къолунгдан къуймакъ ашатсанг да, атаны борчундан къутулмазса.
- Абынмазлыкъ аякъ джокъ, джангылмазлыкъ джаякъ джокъ.
- Юреннген ауруу къалмаз.
- Зар адамны насыбы болмаз.
- Ауругъанны сау билмез, ач къарынны токъ билмез.
- Ишленмеклик адамлыкъды.
- Чомартха Тейри да борчлуду.
- Адамны адамлыгъы къыйынлыкъда айгъакъланады.
- Кёб ант этген, кёб ётюрюк айтыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къарнынг ауруса, ауузунгу тый
- Эрине къаргъыш этген къатын, эрнин къабар.
- От кюйдюрген, сау болса да, тот кюйдюрген, сау болмаз.
