- Къартны сыйын кёрмеген, къартлыгъында сыйлы болмаз.
- Эки къатын алгъанны къулагъы тынгнгаймаз.
- Къарны аманнга къазан такъдырма, къолу аманнга от джакъдырма.
- Башсыз урчукъ тюзюне айланмаз.
- Бюгюн дуния кибик, тамбла ахыратды.
- Рысхы – насыбха къор.
- Кюн кёрмеген, кюн кёрсе, кюндюз чыракъ джандырыр.
- Азыгъы аз, алгъа къабар, аты аман, алгъа чабар.
- Кесинге джетмегенни, кёб сёлешме.
- Окъ къызбайны джокълайды.
- Тёрени джагъы джокъ.
- Сёз сёзню айтдырыр.
- Термилгенинги табмазса, кюлгенинге тюберсе.
- Экеулен сёлеше тура эселе, орталарына барыб кирме.
- Атлыны кёрсе, джаяуну буту талыр.
- Тынгылагъан тынгы бузар.
- Зарда марда джокъ.
- Бозанг болмагъан джерге, къалагъынгы сукъма.
- Ариу сёз – къылычдан джити.
- Айтхан сёзюне табылгъан.
- Мал кёб болса, джууукъ кёб болур.
- Байлыкъ тауусулур, билим тауусулмаз.
- Кёб джашагъан – кёб билир.
- Берекет берсин деген джерде, берекет болур.
- Таш бла ургъанны, аш бла ур.
- Юре билмеген ит, къонакъ келтирир.
- Иги адамны бир сёзю эки болмаз.
- Кёрмегеннге кебек – танг, битмегеннге сакъал – танг.
- Ургъан суудан башынгы сакъла.
- Ойнай билмеген, уруб къачар.
- Терслик кетер, тюзлюк джетер.
- Аманны эки битли тону болур, бирин сеннге кийдирир, бирин кеси киер.
- Адамны сабийин сюйген джюреги, бычакъча, джитиди.
- Этни бети бла шорпасы.
- Эрни эр этерик да, къара джер этерик да, тиширыуду.
- Хар зат кесини орнуна иги.
- Келинин тута билмеген, къул этер, къызын тута билмеген, тул этер.
- Билими азны – ауузунда кирит.
- Тойгъа барсанг, тоюб бар, эски тонунгу къоюб бар.
- Ата Джуртуму башы болмасам да, босагъасында ташы болайым.
- Намыс сатылыб алынмайды.
- Бал ашаргъа сюе эсенг, чибин ургъаннга тёз.
- Джаш болсун, къыз болсун, акъылы, саны тюз болсун.
- Ашлыкъны арба юйге келтирир, чана базаргъа элтир.
- Тамчы таш тешер.
- Къарыусузгъа кюлме, онгсузгъа тийме.
- Кесине гебен этелмеген, биреуге черен эте эди.
- Атадан ёксюз – бир ёксюз, анадан ёксюз – эки ёксюз.
- Ойнаб айтсанг да, эслеб айт.
- Ёксюзню къалачы уллу кёрюнюр.