- Къанны къан бла джуума, аманны аман бла къуума.
- Тойну къарнашы – харс, джырны къарнашы – эжиу.
- Кёпюр салгъан кеси ётер, уру къазгъан кеси кетер.
- Чабар ат – джетген къыз.
- Этни да ашады, бетни да ашады.
- Сормай – алма, чакъырылмай – барма.
- Адеб этмеген, адеб кёрмез.
- Джумушакъ терекни къурт ашар.
- Акъыл аздырмаз, билим тоздурмаз.
- Аякъларынгы джууургъанынга кёре узат.
- Кюн кёрмеген, кюн кёрсе, кюндюз чыракъ джандырыр.
- Къонакъны къачан кетерин сорма, къачан келлигин сор.
- Къазанчы аман болса, къазаны къайнамаз.
- Булут кёкге джарашыу, уят бетге джарашыу.
- Ёмюрлюк шохлукъну джел элтмез.
- Джаш болсун, къыз болсун, акъылы, саны тюз болсун.
- Келинни – келгинчи, бёркню кийгинчи кёр.
- Джангызны оту джарыкъ джанмаз!
- Байлыкъ болгъан джерде, тынчлыкъ джокъду.
- Башсыз урчукъ тюзюне айланмаз.
- Ичимден чыкъды хата, къайры барайым сата?
- Магъанасыз сёз – тауушсуз сыбызгъы.
- Адамны бетине къарама, адетине къара.
- Окъдан джара эртде-кеч болса да бителир, сёз джара, ёмюрге къалыр.
- Мухарны эси – ашарыкъда.
- Ат да турмайды бир териде.
- Сескекли кесин билдирир.
- Тюзлюк тас болмайды.
- Экеу тутушса, биреу джыгъылыр.
- Душманны тышы – акъ, ичи – къара.
- Билмезни кёзю кёрмез, этмезни къулагъы эшитмез.
- Ашарыкъда сайлагъаннга – чий гырджын.
- Къуллукъчума, деб махтанма, къуллукъ – хаух джамчыды!
- Керти сёзге тёре джокъ.
- Дуния аламаты сен эсенг да, игиме деб айтма.
- Сабийни джумушха джибер да, ызындан бар.
- Босагъа таш юйге кирмей эди, тыбыр таш эшикге чыкъмай эди.
- Джыланны къуйругъундан басарынг келсе, аны башы болгъанын унутма.
- Башы джабылгъан челекге, кир тюшмез.
- Ётюрюкню башын керти кесер.
- Эте билген, этген этеди, эте билмеген, юретген этеди!
- Айранын берсенг, челегин да къызгъанма.
- Кёзню ачылгъаны – иги, ауузну джабылгъаны – иги.
- Ач уят къоймаз.
- Ойнай билмеген, оюн бузар.
- Арба аугъандан сора, джол кёргюзтюучю кёб болур.
- Адам боллукъ, атламындан белгили болур.
- Айыбны суу бла джууалмазса.
- Айырылгъанланы айю ашар, бёлюннгенлени бёрю ашар.
- Экиндини кеч къылсанг, чабыб джетер ашхам.
А может конкурс проведем?
01.07.2011 15:04:25
[b:2659d7b3fb]Батыровна[/b:2659d7b3fb], :smt003 давай.. начинай...инициатив наказуема ))
|
|
|
|
31.08.2011 01:08:31
[b:4f9dc50546]Батыровна[/b:4f9dc50546],
Я за)))) комментировать готова)))) И выложу тоже обязательно что-нить, но не первая)))))
|
|
|
|
19.09.2011 23:07:28
быть может дело было в мае, хотя по-моему - июль))))))
П.С. как вообще такое могло произойти? Или кто-то очень не любит шоколад)))))) :smt017
|
|
|
|
21.09.2011 15:42:38
[b:220b28d017]Апсатыны ариу къызы[/b:220b28d017], не знаю))
я уже увидело данное изделие в таком виде.... :smt005
|
|
|
|
01.10.2011 21:39:02
[b:6094098379]нашла сегодня ежеприемник)))[/b:6094098379]
[img:6094098379]http://s002.radikal.ru/i199/1110/a0/712976efc0d0.jpg[/img:6094098379]
|
||||
|
|
|||
Читают тему (гостей: 1)