- Тешигини къатында, чычхан да батыр болур.
- Тойгъанлыкъ къойгъа джарашады.
- Башланнган иш битер, къымылдагъан тиш тюшер.
- Къызбайны юйюне дери сюрсенг, батыр болур.
- Эл тойса, тоймагъан, эл къойса, къоймагъан.
- Аурууну келиую тынч, кетиую – къыйын.
- Чомартны къолун джокълукъ байлар.
- Ишни ахырын ойламай, аллын башлама.
- Элге къуллукъ этмеген, элге ие болмаз.
- Билими азны – ауузунда кирит.
- Чомартха Тейри да борчлуду.
- Эм ашхы къайын ана мамукъ бла башынгы тешер.
- Бир онгсуз адам адет чыгъарды, деб эштирик тюлсе.
- Джарлыны эшигин махтагъан джабар.
- Накъырда – кертини келечиси.
- Къатын байлыкъны сюер, эр саулукъну сюер.
- Джол бла сёзню къыйыры джокъ.
- Сыфатында болмагъаны, суратында болмаз.
- Аш берме да, къаш бер.
- Кёб джат да, бек чаб.
- Эркиши – от, тиширыу – суу.
- Ата – билек, ана – джюрек!
- Аш кетер да бет къалыр.
- Адамны сабийин сюйген джюреги, бычакъча, джитиди.
- Джаш къарыу бла кючлю, къарт акъыл бла кючлю.
- Битмегеннге сакъал – танг.
- Кийимни бир кюнню аясанг, минг кюннге джарар.
- Ёмюрлюк шохлукъну джел элтмез.
- Алтыннга тот къонмаз.
- Хоншуну тауугъу къаз кёрюнюр, келини къыз кёрюнюр.
- Ата джурт – алтын бешик.
- Бек ашыкъгъан меннге джетсин, дегенди аракъы.
- Иесиз малны бёрю ашар.
- Къарын къуру болса, джюрек уру болур.
- Ачны эсинде – аш.
- Акъыл аздырмаз, билим тоздурмаз.
- Ашха уста, юйюнде болсун
- Хансыз джомакъ болмаз.
- Къар – келтирди, суу – элтди.
- Ариу сёз джыланны орнундан чыгъарыр.
- Чомартха хар кюн да байрамды.
- Ёнгкюч къууана барыр, джылай келир.
- Тёрени джагъы джокъ.
- Чакъырылгъанны аты, чакъырылмагъанны багъасы болур.
- Керилген да, ургъан кибикди.
- Адамны артындан къара сабан сюрме.
- Къарт бла баш аша, джаш бла аякъ аша.
- Гырджын – тепсини тамадасы.
- Эте билген, этген этеди, эте билмеген, юретген этеди!
- Кёкдеги болмаса, джердегин кёрмейди.
[ Закрыто ] Люди,а есть ли кто среди ВАС - преподаватель балкарского?
Читают тему (гостей: 1)