- Тамбла алтындан бюгюн багъыр ашхы.
- Онгсузну – джакъла, тенгликни – сакъла.
- Ата Джуртча джер болмаз, туугъан элча эл болмаз.
- Къар – келтирди, суу – элтди.
- Ариуну – ауруу кёб.
- Сёз къанатсыз учар.
- Эринчекге кюн узун.
- Ач, тоймам, дейди, тойгъан, ач болмам, дейди.
- Дуния мал дунияда къалады.
- Танг атмайма десе да, кюн къоярыкъ тюйюлдю.
- Эркишиге тары кебек танг кёрюнюр.
- Ариу сёз – джаннга азыкъ, аман сёз – башха къазыкъ.
- Билимсиз иш бармаз.
- Ёпкелегенни ашы татлы болады.
- Ким бла джюрюсенг, аны кёзю бла кёрюнюрсе.
- Бир абыннган – минг сюрюнюр.
- Билим – акъылны чырагъы.
- Ургъан суудан башынгы сакъла.
- Айраннга суу къош, телиге джол бош.
- Олтуруб кёрюнмей эди да, ёрге туруб кёрюне эди.
- Алтыннга тот къонмаз.
- Аджашхан тёгерек айланыр.
- Эки ойлашыб, бир сёлешген.
- Ата Джуртун танымагъан, атасын да танымаз.
- Ёгюзню мюйюзлери ауурлукъ этмейдиле.
- Аманны къуугъан, аманлыкъ табар.
- Аякъларынгы джууургъанынга кёре узат.
- Этни бети бла шорпасы.
- Агъач – джерни чырайы, кийим – эрни чырайы.
- Юйюнг бла джау болгъандан эсе, элинг бла джау бол.
- Насыб бютеу халкъны юлюшюдю.
- Къызын тута билмеген, тул этер, джашын тута билмеген, къул этер.
- Алим болгъандан эсе, адам болгъан къыйынды.
- Ёмюрлюк шохлукъну джел элтмез.
- Бал – татлы, балдан да бала – татлы.
- Эл ауузу – элия.
- Ариу – кёзге, акъыл – джюрекге.
- Тойгъан джерден туугъан джер игиди.
- Айран ичген – къутулду, джугъусун джалагъан – тутулду.
- Малны кют, джерни тюрт.
- Тюз сёз баргъан сууну тыяр.
- Адам сёзге тынгыла, акъыл сёзню ангыла.
- Акъдан къара болмаз.
- Тойну къарнашы – харс, джырны къарнашы – эжиу.
- Ёлмесенг да, къарт дамы болмазса?
- Хатерли къул болур.
- Чакъырылгъанны аты, чакъырылмагъанны багъасы болур.
- Башы джабылгъан челекге, кир тюшмез.
- Къралынгы – душмандан, башынгы от бла суудан сакъла.
- Ишлемеген – тишлемез.
[ Закрыто ] Люди,а есть ли кто среди ВАС - преподаватель балкарского?
Читают тему (гостей: 1)