- Тюзлюк шохлукъну бегитир.
- Байма, деб да, къууанма, джарлыма, деб да, джылама.
- Къызгъанчдан ычхыныр, мухардан ычхынмаз.
- Тенги кёбню джау алмаз, акъылы кёбню дау алмаз.
- Байлыкъдан саулукъ ашхыды.
- Уллу сёлешме да, уллу къаб.
- Байлыкъ тауусулур, билим тауусулмаз.
- Къолунгдан къуймакъ ашатсанг да, атаны борчундан къутулмазса.
- Джаш къарыу бла кючлю, къарт акъыл бла кючлю.
- Тёрде – темир таякълы, къаяда – чыпчыкъ аякълы.
- Джылыгъа джылан илешир.
- Таула не мийик болсала да, аууш табылыр.
- Акъыл неден да кючлюдю.
- Башланнган иш битер, къымылдагъан тиш тюшер.
- Тойгъан антын унутур.
- Аджашхан тёгерек айланыр.
- Ариуну – ауруу кёб.
- Ургъан суудан башынгы сакъла.
- Накъырданы арты керти болур.
- Тамырсыз терекге таянма – джыгъылырса.
- Эрни эр этерик да, къара джер этерик да, тиширыуду.
- Уллу атлама – абынырса, уллу къабма – къарылырса.
- Ашлыкъны арба юйге келтирир, чана базаргъа элтир.
- Нарт сёз къарт болмаз.
- Ариу – кёзге, акъыл – джюрекге.
- Кесинге джетмегенни, кёб сёлешме.
- Тиширыусуз юй – отсуз от джагъа.
- Тёзген – тёш ашар!
- Башда акъыл болмаса, эки аякъгъа кюч джетер.
- Биреуню эскиси биреуге джангы болмайды.
- Ишге юренсин къоллары, халкъ бла болсун джоллары.
- Хунаны тюбюн къазсанг, юсюнге ауар.
- Битмегеннге сакъал – танг.
- Джарашыу сюйген – джалынчакъ.
- Биреуню тёрюнден, кесинги эшик артынг игиди.
- Агъач – джерни чырайы, кийим – эрни чырайы.
- Ашхы – джыяр, аман – джояр.
- Адамны артындан къара сабан сюрме.
- Окъуу – билимни ачхычы, окъуу – дунияны бачхычы.
- Чомартны къолун джокълукъ байлар.
- Сууда джау джокъ, кёб сёзде магъана джокъ.
- Ана къойну – балагъа джандет.
- Ойнай билмеген, уруб къачар.
- Адам сёзюнден белгили.
- Къан бла кирген, джан бла чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Татлы сёз – балдан татлы.
- Джашынгы кесинг юретмесенг, джашау юретир.
- Агъач халкъгъа алтынды, иссиликге салкъынды.
- Ёмюрлюк шохлукъну джел элтмез.
[ Закрыто ] для любителей волйбола...
Читают тему (гостей: 1)