- Таугъа чыгъаллыкъ эсенг, тюзде къалма.
- Рысхы джалгъанды: келген да этер, кетген да этер.
- Адамгъа аман кюн соруб келмейди.
- Тулпарлыкъ, билекден тюл – джюрекден.
- Бек анасы джыламаз.
- Дуния мал дунияда къалады.
- Тёрдеги кюлсе, эшикдеги ышарыр.
- Сютден ауузу кюйген, суугъа юфгюре эди.
- Мен да «сен», дейме, сен да «кесим», дейсе.
- Нёгерсизни джолу узун.
- Иги сёз – джаннга азыкъ, аман сёз башха – къазыкъ.
- Магъанасыз сёз – тауушсуз сыбызгъы.
- Тойгъандан сора, ашны сёкме.
- Арба аугъандан сора, джол кёргюзтюучю кёб болур.
- Ауругъан – джашаудан умутчу.
- Адам боллукъ, атламындан белгили болур.
- Агъач – джерни чырайы, кийим – эрни чырайы.
- Кёл ашады да, кеси ашады.
- Ёгюзню мюйюзюнден тутадыла, адамны сёзюнден тутадыла.
- Къарт бла баш аша, джаш бла аякъ аша.
- Джыгъылгъанны сырты джерден тоймаз.
- Джаш къарыу бла кючлю, къарт акъыл бла кючлю.
- Тилде сюек болмаса да, сюек сындырыр.
- Тенгни тенглиги джашай барсанг билинир.
- Айтханы чапыракъдан ётмеген.
- Ана кёлю – балада, бала кёлю – талада.
- Ашлыкъны арба юйге келтирир, чана базаргъа элтир.
- Ётюрюкню башын керти кесер.
- Оюмсуз атлагъан, аджалсыз ёлюр.
- Кёбден умут этиб, аздан къуру къалма.
- Биреуню къыйынлыгъы бла кесинге джол ишлеме.
- Аман киши кеси юйюнде – къонакъ.
- Сабийликде юретмесенг, уллу болса – тюзелмез.
- Билим къая тешер.
- Къуру гыбыт бек дыгъырдар.
- Байлыкъ тауусулур, билим тауусулмаз.
- Билмегенинги, билгеннге сор.
- Накъырданы арты керти болур.
- Кёзден кетген, кёлден да кетеди.
- Ёксюзню тилеги къабыл болур.
- Гугурук къычырмаса да, тангны атары къалмаз.
- Бёрю да ач къалмасын, эчки да ашалмасын.
- Малны кют, джерни тюрт.
- Таукел тауну аудурур.
- Азыкълы ат арымаз, къатыны аман джарымаз.
- Тынгылагъан тынгы бузар.
- Баланы адам этген анады.
- Къарнынг ауруса, ауузунгу тый
- Чарсда алчыны эл кёреди.
- Джеринден айырылгъан – джети джылар, джуртундан айырылгъан – ёлгюнчю джылар.
Къарачай-Малкъар в Сургуте
|
Салам уалейкум всем, хочу найти кого нибудь с сургута, если есть такие отзовитесь.
|
|
|
|
|
|
Саубол за совет. Биргелей болушсун АЛЛАХ.
|
|
|
|
|
|
[b:7faebfa1a2]Maga[/b:7faebfa1a2], салам аллейкум...
не болдунг, табылдымы ким болсада? :smt017
|
||||
|
|
|
|||
Читают тему (гостей: 1)