- Ашлыкъны арба юйге келтирир, чана базаргъа элтир.
- Къыз тиширыу кеси юйюнде да къонакъды.
- Мухар, кеси тойса да, кёзю тоймаз.
- Мал кёб болса, джууукъ кёб болур.
- Бет бетге къараса, бет да джерге къарар.
- Биреу къой излей, биреу той излей.
- Эр сокъур болсун, къатын тилсиз болсун.
- Аманнга да, игиге да оноусуз къатышма.
- Келинни – келгинчи, бёркню кийгинчи кёр.
- Джол бла сёзню къыйыры джокъ.
- Тилсиз миллет джокъ болур.
- Джашны джигитлиги сорулур, къызны джигерлиги сорулур.
- Чомарт джарлы болмаз.
- Къайтырыкъ эшигинги, къаты уруб чыкъма.
- Ашлыкъ – бюртюкден, джюн – тюкден.
- Къонакъны къачан кетерин сорма, къачан келлигин сор.
- Эки итни арасына сюек атма, эки адамны арасында сёз чыгъарма.
- Джети тилни билген джети кишиди.
- Мен да «сен», дейме, сен да «кесим», дейсе.
- Ашхы тенг джолгъа салыр, аман тенг джолдан тайдырыр.
- Билмейме деген – бир сёз
- Халкъны юйю – туугъан джери.
- Къалгъан ишге къар джауар.
- Аман къатын алгъан, арыр, иги къатын алгъан джарыр.
- Байлыкъ тауусулур, билим тауусулмаз.
- Туз, гырджын аша, тюзлюк бла джаша.
- Бал чибинни ургъаны – ачы, балы – татлы.
- Тиширыусуз юй – отсуз от джагъа.
- Джогъун бар этген, барын бал этген.
- Накъырданы арты керти болур.
- Юйюнгден чыкъдынг – кюнюнгден чыкъдынг.
- Бек ашыкъгъан меннге джетсин, дегенди аракъы.
- Аллахха ийнаннган кишини, Аллах онгдурур ишин.
- Айтхан сёзюне табылгъан.
- Башы джабылгъан челекге, кир тюшмез.
- Аз сёлешген, къайгъысыз турур.
- Кёкдеги болмаса, джердегин кёрмейди.
- Артына баргъанны, къатына барма.
- Къонакъ хазыр болгъанлыкъгъа, къонакъбай хазыр тюлдю.
- Тыш элде солтан болгъандан эсе, кесинги элде олтан болгъан игиди!
- Кимни – тили, тиши онглу, кимни – къолу, иши онглу.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къарнынг къанлынга кийирир.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъуусуз билим – джокъ, билимсиз кюнюнг – джокъ.
- Бёрю да ач къалмасын, эчки да ашалмасын.
- Ёксюзню къалачы уллу кёрюнюр.
- Ишни аллы бла къууанма да, арты бла къууан.
- Чакъырылмагъан джерге барма, чакъырылгъан джерден къалма.
- «Ма», - дегенни билмесенг, «бер», - дегенни билмезсе.
ТРАМлары
|
Где вы , как вы?[/b]
|
|
|
|
|
|
Привет!!!!!!!!!! :smt001
|
|
|
|
|
|
кругом одна политика!)))))
|
||||
|
|
|
|||
Читают тему (гостей: 1)