- Уллу къазанда бишген эт, чий къалмаз.
- Кёбге таш атма.
- Чабакъсыз кёлге къармакъ салгъанлыкъгъа, чабакъ тутмазса.
- Тил – миллетни джаны.
- Окъуусуз билим – джокъ, билимсиз кюнюнг – джокъ.
- Аман хансны – урлугъу кёб.
- Къайгъы тюбю – тенгиз.
- Ана – юйню кюн джарыгъы.
- Кёб джат да, бек чаб.
- Уллу къашыкъ эрин джыртар.
- Иги адам абынса да, джангылмаз.
- Тынгылагъан тынгы бузар.
- Дуния мал дунияда къалады.
- Кёзю сокъурдан – къоркъма, кёлю сокъурдан – къоркъ.
- Ач отунчуну ачыуу – бурнунда.
- Онгсузну – джакъла, тенгликни – сакъла.
- Таякъ этден ётер, тил сюекден ётер.
- Кийимни бир кюнню аясанг, минг кюннге джарар.
- Къартны бурнун сюрт да, оноугъа тут.
- Башланнган иш битер, къымылдагъан тиш тюшер.
- Миллетни бойну – базыкъ, аны бла кюрешген – джазыкъ.
- Ашлыкъ – бюртюкден, джюн – тюкден.
- Эр сокъур болсун, къатын тилсиз болсун.
- Ишни ахырын ойламай, аллын башлама.
- Мухар, кеси тойса да, кёзю тоймаз.
- Кюн – узун, ёмюр – къысха.
- Ачлыкъда тары гырджын халыуадан татлы.
- Ачны эсинде – аш.
- Чакъырылмагъан къонакъ къачан кетерин сормаз.
- Таш бла ургъанны, аш бла ур.
- Джангызны оту джарыкъ джанмаз!
- Уллу сёзде уят джокъ.
- Джангыз торгъай джырламаз.
- Къуру гыбыт бек дыгъырдар.
- Ёксюзню къалачы уллу кёрюнюр.
- Ауузу бла къуш тута айланады.
- Бек ашыкъгъан меннге джетсин, дегенди аракъы.
- Айныгъанлы алты кюн, тогъайгъанлы тогъуз кюн.
- Башы джабылгъан челекге, кир тюшмез.
- Эл тойса, тоймагъан, эл къойса, къоймагъан.
- Кеси юйюмде мен да ханма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аджалсыз ёлюм болмаз.
- Кютгени беш эчки, сызгъыргъаны уа, джерни джарады.
- Ариу сёзде ауруу джокъ.
- Таш ата билмеген, башына урур.
- Босагъагъа джууукъ орун болса, ашыгъыб тёрге озма.
- Тили узунну, намысы – къысха.
- Сютню башын джалагъан къутулур, тюбюн ичген тутулур.
- Зар адам ашынгы ашар, кесинги сатар.
[ Закрыто ] Карачаевцы в Новой Зеландии
Читают тему (гостей: 1)