- Ашха уста, юйюнде болсун
- Таукел адам тау тешер.
- Ата – баланы уясы.
- Ариу сёз – къылычдан джити.
- Ишни ахырын ойламай, аллын башлама.
- Кесинге джетмегенни, кёб сёлешме.
- Къарны аманнга къазан такъдырма, къолу аманнга от джакъдырма.
- Кечеси – аяз, кюню – къыш, джарлы къаргъагъа бир аш тюш!
- Алгъанда – джууукъ, бергенде – джау.
- Аманны тукъумуна къарама, игини тукъумун сорма.
- Чомартны къолун джокълукъ байлар.
- Тас болгъан бычакъны сабы – алтын.
- Кюлме джашха – келир башха.
- Адамны адамлыгъы къыйынлыкъда айгъакъланады.
- Къонакъ кёб келюучю юйню, къазаны отдан тюшмез.
- Аман къатын сабий табса, бий болур…
- Магъанасыз сёз – тауушсуз сыбызгъы.
- Джумушакъ терекни къурт ашар.
- Бёрю да ач къалмасын, эчки да ашалмасын.
- Адам сёзге тынгыла, акъыл сёзню ангыла.
- Чакъырылмагъан къонакъ къачан кетерин сормаз.
- Биреуге кёлтюрген таягъынг, кесинги башынга урур.
- Иши джокъну, сыйы джокъ.
- Биреуге аманлыкъ этиб, кесинге игилик табмазса.
- Билим – акъылны чырагъы.
- Билмезни кёзю кёрмез, этмезни къулагъы эшитмез.
- Джолда аягъынга сакъ бол, ушакъда тилинге сакъ бол.
- Джылкъыдан – ат чыгъар, тукъумдан – джаш чыгъар.
- Ауругъаннга – кийик саулукъ, джетген къызгъа – чилле джаулукъ.
- Ашхы – джыяр, аман – джояр.
- Игиге айтсанг – билир, аманнга айтсанг – кюлюр.
- Кёбге таш атма.
- Эски джаугъа ышанма.
- Сёз садакъдан кючлюдю.
- Къызын тута билмеген, тул этер, джашын тута билмеген, къул этер.
- Ётген ёмюр – акъгъан суу.
- Ата Джуртун танымагъан, атасын да танымаз.
- Тенгни тенглиги джашай барсанг билинир.
- Айран ичген – къутулду, джугъусун джалагъан – тутулду.
- Мени джылытмагъан кюн, меннге тиймесин!
- Тил бла келеди джыр да.
- Акъыл неден да кючлюдю.
- Къошда джокъгъа – юлюш джокъ.
- Байдан умут эте, джарлыдан ёгюз багъасы къорады.
- Эки элинги тыйсанг, джети элде махталырса.
- Кюл тюбюндеги от кёрюнмейди.
- Окъугъан озар, окъумагъан тозар.
- Аман киши кеси юйюнде – къонакъ.
- Мал кёб болса, джууукъ кёб болур.
- Къуллукъчума, деб махтанма, къуллукъ – хаух джамчыды!
[ Закрыто ] Карачаевцы в Новой Зеландии
Читают тему (гостей: 2)