- Намысы джокъну – дуниясы джокъ.
- Ана – юйню кюн джарыгъы.
- Биреу къой излей, биреу той излей.
- Чакъырылгъанны аты, чакъырылмагъанны багъасы болур.
- Ёзденликни джайгъан – джокълукъ.
- Чакъырылмай келген къонакъ сыйланмай кетер.
- Бек ашыкъгъан меннге джетсин, дегенди аракъы.
- Татлы тилде – сёз ариу, чемер къолда – иш ариу.
- Ат да турмайды бир териде.
- Тойну къарнашы – харс, джырны къарнашы – эжиу.
- Шайтан алдады, тюзлюк къаргъады.
- Ауругъаннга – кийик саулукъ, джетген къызгъа – чилле джаулукъ.
- Борчунг бар эсе, хурджунунга ойлаб узал.
- Къая джолда джортма, ачыкъ сёзден къоркъма.
- Сибиртки да сыйлы болду, кюрек да кюнлю болду.
- Къыз келсе, джумуш эте келеди, къатын келсе, ушакъ эте келеди.
- Таукел тауну аудурур.
- Акъыллы – эл иеси, тели – эл баласы.
- Уллу сёлешме да, уллу къаб.
- Аякъларынгы джууургъанынга кёре узат.
- Телиге акъыл салгъандан эсе, ёлгеннге джан салырса.
- Билмегенинги, билгеннге сор.
- Ашха уста, юйюнде болсун
- Уллу атлама – абынырса, уллу къабма – къарылырса.
- Онгсузну – джакъла, тенгликни – сакъла.
- Биреуге аманлыкъны тилеме да, кесинге ашхылыкъны тиле.
- Эте билген, этген этеди, эте билмеген, юретген этеди!
- Иги адам абынса да, джангылмаз.
- Тенги кёбню джау алмаз, акъылы кёбню дау алмаз.
- Башда акъыл болмаса, эки аякъгъа кюч джетер.
- Ач уят къоймаз.
- Хар сёзню орну барды.
- Башланнган иш битер, къымылдагъан тиш тюшер.
- Тойгъан джерден туугъан джер игиди.
- Терек ауса, отунчу – кёб.
- Эшекге миннген – биринчи айыб, андан джыгъылгъан – экинчи айыб.
- Ёзденликни кёбю ётюрюк.
- Аджалсыз ёлюм болмаз.
- Джаш къарыу бла кючлю, къарт акъыл бла кючлю.
- Къазанчы аман болса, къазаны къайнамаз.
- Къулакъдан эсе, кёзге ышан.
- Кийим тукъум сордурур.
- Эркишиге тары кебек танг кёрюнюр.
- Илму – джашауну джолу.
- Башы ишлегенни, ауузу да ишлер.
- Элни кючю – эмеген.
- Къонагъынгы артмагъын алма да, алгъышын ал.
- Аууз сакълагъан – джан сакълар.
- Эл элде бирер малынг болгъандан эсе, бирер тенгинг болсун.
- Тешигини къатында, чычхан да батыр болур.
А так же рекомендую Всероссийскую Академию Внешней Торговли
Читают тему (гостей: 1)