- Къартны бурнун сюрт да, оноугъа тут.
- Кюл тюбюндеги от кёрюнмейди.
- Ётюрюкчюню шагъаты – къатында.
- Адеб базарда сатылмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Кеси юйюмде мен да ханма.
- Ёлмесенг да, къарт дамы болмазса?
- Аманны тукъумуна къарама, игини тукъумун сорма.
- Сакъалы текени да бар, мыйыгъы киштикни да бар.
- Окъуусуз билим – джокъ, билимсиз кюнюнг – джокъ.
- Чарсда алчыны эл кёреди.
- Биреуге кёлтюрген таягъынг, кесинги башынга урур.
- Ашхы болсанг, атынг чыгъар, аман болсанг, джанынг чыгъар.
- Ачлыкъ отха секиртир.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёб джат да, бек чаб.
- Къошда джокъгъа – юлюш джокъ.
- Булут кёкге джарашыу, уят бетге джарашыу.
- Ишни аллы бла къууанма да, арты бла къууан.
- Бир абыннган – минг сюрюнюр.
- Джетген къыз джерли эшекни танымаз.
- Терслик кетер, тюзлюк джетер.
- Ауругъан – джашаудан умутчу.
- Джангызны оту джарыкъ джанмаз!
- Эри аманны, къатыны – аман.
- Тойгъан джерден туугъан джер игиди.
- Сескекли кесин билдирир.
- Терек ауса, отунчу – кёб.
- Хунаны тюбюн къазсанг, юсюнге ауар.
- Джахил болса анасы, не билликди баласы?
- Эки ойлашыб, бир сёлешген.
- Тюкюрюк баш джармаз, налат кёз чыгъармаз!
- Къыз чыгъаргъан – къызыл къымжа.
- Огъурлуну сёзю – суу, огъурсузну сёзю – уу.
- Ариу сёз – джаннга азыкъ, аман сёз – башха къазыкъ.
- Ариу джол аджал келтирмез.
- Адам туугъан джеринде, ит тойгъан джеринде.
- Юре билмеген ит, къонакъ келтирир.
- Юреннген ауруу къалмаз.
- Чомартха хар кюн да байрамды.
- Билим – акъылны чырагъы.
- Эрине къаргъыш этген къатын, эрнин къабар.
- Къарнынг къанлынга кийирир.
- Бети къызарыучу адамны, джюреги харам болмаз.
- Бал чибинни ургъаны – ачы, балы – татлы.
- Джуртун къоругъан озар.
- Бет бетге къараса, бет да джерге къарар.
- Ариу – кёзге, акъыл – джюрекге.
- Этим кетсе да, сюегим къалыр.
- Ёлюр джаннга, ёкюл джокъ.
А так же рекомендую Всероссийскую Академию Внешней Торговли
Читают тему (гостей: 1)