- Эшекни не къадар тюйсенг да, ат болмаз.
- Чомарт джарлы болмаз.
- Джарлыны тону джаз битер.
- Ойнай билмеген, оюн бузар.
- Ишленмеклик адамлыкъды.
- Билим насыб берир, билим джолну керир.
- Эртде тургъан джылкъычыны эркек аты тай табар.
- Биреу къой излей, биреу той излей.
- Арпа, будай – ащды, алтын, кюмюш а – ташды.
- Бети къызарыучу адамны, джюреги харам болмаз.
- Айтылгъан сёз ызына къайтмаз.
- Адамны сабийин сюйген джюреги, бычакъча, джитиди.
- Чоюнну башы ачыкъ болса, итге уят керекди.
- Аман адам элни бир-бирине джау этер.
- Кюн кёрмеген, кюн кёрсе, кюндюз чыракъ джандырыр.
- Ана – юйню кюн джарыгъы.
- Зар адам ашынгы ашар, кесинги сатар.
- Махтаннган къыз, тойда джукълар.
- Адамны адамлыгъы къыйынлыкъда айгъакъланады.
- Иги сёз – джаннга азыкъ, аман сёз башха – къазыкъ.
- Чабакъ башындан чирийди.
- Арбаз къынгырды да, ийнек сауалмайма.
- Минг тенг да азды, бир джау да кёбдю.
- Ач къалгъандан, кеч къалгъан къолай.
- Юреннген ауруу къалмаз.
- Ата Джуртуму башы болмасам да, босагъасында ташы болайым.
- Иги болса, тамадама – махтау, аман болса, меннге – айыб.
- Кёбню кёрген – кёб билир.
- Сютню башын джалагъан къутулур, тюбюн ичген тутулур.
- Байдан умут эте, джарлыдан ёгюз багъасы къорады.
- Хата – гитчеден.
- Нарт сёз къарт болмаз.
- Къонагъынгы артмагъын алма да, алгъышын ал.
- Къайгъы тюбю – тенгиз.
- «Ёгюз, джаргъа джууукъ барма, меннге джюк боллукъса», - дегенди эшек.
- Мухардан ач ычхынмаз.
- Сескекли кесин билдирир.
- Джахил болса анасы, не билликди баласы?
- Экеу тутушса, биреу джыгъылыр.
- Сууда джау джокъ, кёб сёзде магъана джокъ.
- Шайтан алдады, тюзлюк къаргъады.
- Ачылгъан эт джабылыр, кёрген кёз унутмаз.
- Тик ёргени, тик энгишгеси да болады.
- Бёрю да ач къалмасын, эчки да ашалмасын.
- Джаш болсун, къыз болсун, акъылы, саны тюз болсун.
- Баш болса, бёрк табылыр.
- Кийим тукъум сордурур.
- Аз сёлеш, кёб ишле.
- Ашхы сёз таш тешер.
- Дуния аламаты сен эсенг да, игиме деб айтма.
