- Къыйынлы джети элни къайгъысын этер.
- Халкъгъа джарагъан, джарлы къалмаз.
- Ашын ашагъанынгы, башын да сыйла.
- Тюз сёз баргъан сууну тыяр.
- Ойнаб айтсанг да, эслеб айт.
- Дуния малгъа сатылма, кесингден телиге къатылма.
- Биреуню эскиси биреуге джангы болмайды.
- Арыгъан къош чамчы болур.
- Бойнуму джети джерден кессенг да, мен ол ишни этеллик тюлме.
- Иги сеники эсе да, сюйген кесимикин этеме.
- Босагъа таш юйге кирмей эди, тыбыр таш эшикге чыкъмай эди.
- Баш – акъыл ючюн, акъылман – халкъ ючюн.
- Хата – гитчеден.
- Билеги кючлю, бирни джыгъар, билими кючлю, мингни джыгъар.
- Сютню башын джалагъан къутулур, тюбюн ичген тутулур.
- Аууздан келген, къолдан келсе, ким да патчах болур эди.
- Суугъа – таянма, джаугъа – ийнанма.
- Джыйырма къойну юч джыйырма эбзе кюте эди.
- Эр сокъур болсун, къатын тилсиз болсун.
- Хаухну атма, ёнгкючню сатма.
- Элде адам къалмаса, ит тахтагъа минер.
- Байлыкъдан саулукъ ашхыды.
- Джерни букъусу кёкге къонмаз.
- Айраннга суу къош, телиге джол бош.
- Ариу сёз – къылычдан джити.
- Кёб ант этген, кёб ётюрюк айтыр.
- Чакъырылмагъан къонакъ – орунсуз.
- Намысы болмагъанны, сыйы болмаз.
- Ачлыкъ отха секиртир.
- Джеринден айырылгъан – джети джылар, джуртундан айырылгъан – ёлгюнчю джылар.
- Акъыллы эркиши атын махтар, акъылсыз эркиши къатынын махтар.
- Къонакъны къачан кетерин сорма, къачан келлигин сор.
- Чабар ат – джетген къыз.
- Хар сёзню орну барды.
- Билген билмегенни юретген адетди.
- Тилде сюек болмаса да, сюек сындырыр.
- Адеб джокъда, намыс джокъ.
- Мухарны эси – ашарыкъда.
- Чомарт бергенин айтмаз.
- Ишленмеген джаш – джюгенсиз ат, ишленмеген къыз – тузсуз хант.
- Джетген къыз джерли эшекни танымаз.
- Чомарт къонакъ юй иесин сыйлар.
- Битмегеннге сакъал – танг.
- Ашаса, ашамаса да, бёрюню ауузу – къан.
- Сабий болмагъан джерде, мёлек болмаз.
- Бал ашаргъа сюе эсенг, чибин ургъаннга тёз.
- Алтыда кюлмеген, алтмышда кюлмез.
- Чомартха хар кюн да байрамды.
- Таш ата билмеген, башына урур.
- Окъугъанны бети джарыкъ.
