- Иги сеники эсе да, сюйген кесимикин этеме.
- Тёзген – тёш ашар!
- Тойгъан джерге джети къайт.
- Тилде сюек болмаса да, сюек сындырыр.
- Окъугъанны бети джарыкъ.
- Аманны эки битли тону болур, бирин сеннге кийдирир, бирин кеси киер.
- Эки итни арасына сюек атма, эки адамны арасында сёз чыгъарма.
- Мухарны эси – ашарыкъда.
- Харам къарнашдан, халал тенг ашхы.
- Къумурсхала джыйылсала, пилни да джыгъадыла.
- Мал ёлсе, сюек къалыр, адам ёлсе, иши къалыр.
- Эринчекни аурууу – кёб.
- Джырына кёре эжиую.
- Тёрени джагъы джокъ.
- Тилчи тилден къаныкъмаз.
- Байлыкъ болгъан джерде, тынчлыкъ джокъду.
- Ана – юйню кюн джарыгъы.
- Тай асырагъан, атха минер.
- Тойгъа алгъа да барма, тойда артха да къалма.
- Гырджын – тепсини тамадасы.
- Эр абынмай, эл танымаз.
- Баланы адам этген анады.
- Айтылгъан буйрукъ, сёгюлмез
- Тели турса – той бузар.
- Уруну арты – къуру.
- Къатын байлыкъны сюер, эр саулукъну сюер.
- Эли джокъну – кёлю джокъ.
- Таш ата билмеген, башына урур.
- Эртде тургъан бла эртде юйленнген сокъуранмаз.
- Ашхы – джыяр, аман – джояр.
- Аш кетер да бет къалыр.
- Сёз садакъдан кючлюдю.
- Тил джюрекге джол ишлейди.
- Къозулугъунда тоймагъан, къойлугъунда тоймаз.
- Сагъышы джокъ – джукъучу, акъылы джокъ – къаугъачы.
- Къарны аманнга къазан такъдырма, къолу аманнга от джакъдырма.
- Чакъырылгъанны аты, чакъырылмагъанны багъасы болур.
- Джаным-тиним – окъуу, билим.
- Иги – алгъыш этер, аман – къаргъыш этер.
- Ётюрюкню башын керти кесер.
- Джукъу тёшек сайламайды.
- Ашын ашагъанынгы, башын да сыйла.
- Къартха ушагъан джаш – акъыллы, джашха ушагъан къарт – тели.
- Тенгни тенглиги джашай барсанг билинир.
- Аман эсирсе, юйюн ояр.
- Тура эдим джата, къайдан чыкъды хата?
- Ишленмеклик адамлыкъды.
- Башы джабылгъан челекге, кир тюшмез.
- Къызбайны юйюне дери сюрсенг, батыр болур.
- Ашха уста, юйюнде болсун
[ Закрыто ] Бизни миллет джер юсюнде сакъланырмы?
Читают тему (гостей: 1)