- Къонакъ кёб келюучю юйню, къазаны отдан тюшмез.
- Киштикге къанат битсе, чыпчыкъ къалмаз эди.
- Аман къатын алгъан, арыр, иги къатын алгъан джарыр.
- Эшекни не къадар тюйсенг да, ат болмаз.
- Кёзюнде тереги болгъан, чёбю болгъаннга кюле эди.
- Адам къаллай бир ишленмесе, аллай бир кесин уллу кёреди.
- Баш – акъыл ючюн, акъылман – халкъ ючюн.
- Биреуге аманлыкъ этиб, кесинге игилик табмазса.
- Тик ёргени, тик энгишгеси да болады.
- Таукел адам тау тешер.
- Къыйынлы джети элни къайгъысын этер.
- Ёгюзню мюйюзлери ауурлукъ этмейдиле.
- Байлыкъ келсе, акъыл кетер.
- Байлыкъ болгъан джерде, тынчлыкъ джокъду.
- Къартны бурнун сюрт да, оноугъа тут.
- Хоншуну тауугъу къаз кёрюнюр, келини къыз кёрюнюр.
- Эртде тургъан джылкъычыны эркек аты тай табар.
- Арыгъан къош чамчы болур.
- Аманнга игилик этсенг, юйюнге сау бармазса.
- Намысы джокъну – дуниясы джокъ.
- Къуллукъчума, деб махтанма, къуллукъ – хаух джамчыды!
- Хар ишни да аллы къыйынды.
- Байлыкъ тауусулур, билим тауусулмаз.
- Ичимден чыкъды хата, къайры барайым сата?
- Эри аманны, къатыны – аман.
- Суу ичген шауданынга тюкюрме.
- Кюн кёрмеген, кюн кёрсе, кюндюз чыракъ джандырыр.
- Акъылсызны джууукъгъа алма, акъыллыны кенгнге салма.
- Тилчи тилден къаныкъмаз.
- Сютден ауузу кюйген, суугъа юфгюре эди.
- Къатын байлыкъны сюер, эр саулукъну сюер.
- Онгсузну – джакъла, тенгликни – сакъла.
- Айран тёгюлсе, джугъусу къалыр.
- Окъуу – билимни ачхычы, окъуу – дунияны бачхычы.
- Айныгъанлы алты кюн, тогъайгъанлы тогъуз кюн.
- Окъумагъан сокъурду, сокъур ташха абыныр!
- Сормай – алма, чакъырылмай – барма.
- Ашлыкъ – бюртюкден, джюн – тюкден.
- Ашлыкъны арба юйге келтирир, чана базаргъа элтир.
- Мен да «сен», дейме, сен да «кесим», дейсе.
- Таякъ этден ётер, тил сюекден ётер.
- Эллинг бла джау болсанг да, юйюнг бла джау болма.
- Бозанг болмагъан джерге, къалагъынгы сукъма.
- Тамырсыз терекге таянма – джыгъылырса.
- Экеулен сёлеше тура эселе, орталарына барыб кирме.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Игини сыйлагъан адетди.
- Керилген да, ургъан кибикди.
- Къыйынлы джети элге оноу этер.
- Урунуу – насыбны анасы.
Рассмотрим план инвестиций за 5-летку
14.01.2009 22:01:08
|
|||
|
|
06.03.2010 00:37:36
|
||||
|
|
|||
Читают тему (гостей: 1)