- Асхат ашлыкъ сата, юйдегиси ачдан къата.
- Къыйынлы джети элге оноу этер.
- Ётюрюк хапар аякъ тюбю бла джюрюйдю.
- Айныгъанлы алты кюн, тогъайгъанлы тогъуз кюн.
- Окъугъан озар, окъумагъан тозар.
- Джарлы джети элни сёзюн этер.
- Ёлген аслан – сау чычхан.
- Джаным-тиним – окъуу, билим.
- Тойгъа барсанг, тоюб бар, эски тонунгу къоюб бар.
- Тойгъандан сора, ашны сёкме.
- Адеби болмагъан къыз – тузсуз хант.
- Айырылгъанланы айю ашар, бёлюннгенлени бёрю ашар.
- Джюрек кёзден алгъа кёрюр.
- Ата – билек, ана – джюрек!
- Аурууну келиую тынч, кетиую – къыйын.
- Ёксюзню къалачы уллу кёрюнюр.
- Орну джокъну – сыйы джокъ.
- Тенги кёбню джау алмаз, акъылы кёбню дау алмаз.
- Къая джолда джортма, ачыкъ сёзден къоркъма.
- Билим – акъылны чырагъы.
- Адебсиз адам – джюгенсиз ат.
- Тёрдеги кюлсе, эшикдеги ышарыр.
- Кёб ант этген, кёб ётюрюк айтыр.
- Тилчи тилден къаныкъмаз.
- Рысхы – сют юсюнде кёмюк кибикди.
- Экиндини кеч къылсанг, чабыб джетер ашхам.
- Окъуу – билимни ачхычы, окъуу – дунияны бачхычы.
- Ичимден чыкъды хата, къайры барайым сата?
- Билими азны – ауузунда кирит.
- Хазыр ашха – терен къашыкъ.
- Ёлген эшек бёрюден къоркъмайды.
- Юреннген ауруу къалмаз.
- Дууулдаса – бал чибин, къонса – къара чибин.
- Билген билмегенни юретген адетди.
- Намыс сатылыб алынмайды.
- Джюрекден джюрекге джол барды.
- Ариу джол аджал келтирмез.
- Бойнуму джети джерден кессенг да, мен ол ишни этеллик тюлме.
- Эски джаугъа ышанма.
- Чомарт къолда мал къалмаз.
- Джашда акъыл джокъ, къартда къарыу джокъ.
- Урама да – ёледи, сатама да – келеди.
- Арыгъан къош чамчы болур.
- Джырчы ёлсе, джыры къалыр.
- Минг тенг да азды, бир джау да кёбдю.
- Аякъларынгы джууургъанынга кёре узат.
- Азыгъы аз, алгъа къабар, аты аман, алгъа чабар.
- Ата – баланы уясы.
- Олтуруб кёрюнмей эди да, ёрге туруб кёрюне эди.
- Айтылгъан буйрукъ, сёгюлмез
Концессионные соглашения
Читают тему (гостей: 1)