- Кёб ант этген, кёб ётюрюк айтыр.
- Бек ашыкъгъан меннге джетсин, дегенди аракъы.
- Тик ёргени, тик энгишгеси да болады.
- Элге къуллукъ этмеген, элге ие болмаз.
- Джаным-тиним – окъуу, билим.
- Джылкъыдан – ат чыгъар, тукъумдан – джаш чыгъар.
- Насыблы элин сюер, насыбсыз кесин сюер.
- Кёзню ачылгъаны – иги, ауузну джабылгъаны – иги.
- Рысхы – сют юсюнде кёмюк кибикди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёлюр джаннга, ёкюл джокъ.
- Игиге айтсанг – билир, аманнга айтсанг – кюлюр.
- Эртде тургъан бла эртде юйленнген сокъуранмаз.
- Ауругъанны сау билмез, ач къарынны токъ билмез.
- Джангызны оту джарыкъ джанмаз!
- Баш – акъыл ючюн, акъылман – халкъ ючюн.
- Ёнгкюч къууана барыр, джылай келир.
- Тилсиз миллет джокъ болур.
- Ишлегенде эринме, ишде чолакъ кёрюнме.
- Айтхан – тынч, этген – къыйын.
- Джангыз торгъай джырламаз.
- Сёлеш деб шай берген, тохта деб, сом берген.
- Нафысынгы айтханын этме, намысынгы айтханын эт.
- Чалманны аллы къалай башланса, арты да алай барады.
- Чабакъ башындан чирийди.
- Акъдан къара болмаз.
- Намыс сатылыб алынмайды.
- Алим болгъандан эсе, адам болгъан къыйынды.
- Эркишини аманы тиширыуну джылатыр.
- Юй ишлеген балта эшикде къалыр.
- Джангыз терек къынгыр ёсер.
- Шапа кёб болса, аш татымсыз болур.
- Тенгни тенглиги джашай барсанг билинир.
- Къызгъанчдан ычхыныр, мухардан ычхынмаз.
- Къызны минг тилер, бир алыр.
- Тилчи бир сагъатха айлыкъ хата этер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джумушакъ терекни къурт ашар.
- Тойгъан джерден туугъан джер игиди.
- Къуру гыбыт бек дыгъырдар.
- Ашха уста, юйюнде болсун
- Дууулдаса – бал чибин, къонса – къара чибин.
- Къонакъ кёб келюучю юйню, къазаны отдан тюшмез.
- Чакъырылмагъан къонакъ къачан кетерин сормаз.
- Гырджын – тепсини тамадасы.
- Окъуусуз билим – джокъ, билимсиз кюнюнг – джокъ.
- Ачлыкъда тары гырджын халыуадан татлы.
- Гугук кесини атын айтыб къычыргъанча, мен, мен деб нек тураса?
- Къызбайны юйюне дери сюрсенг, батыр болур.
- Окъ къызбайны джокълайды.
John William Waterhouse
Читают тему (гостей: 1)