- «Ма», - дегенни билмесенг, «бер», - дегенни билмезсе.
- Байны оноуу, джарлыгъа джарамаз.
- Сакъламагъан затынга джолукъсанг, не бек къууанаса, не бек ачыйса.
- Къарны аманнга къазан такъдырма, къолу аманнга от джакъдырма.
- Адамны сабийин сюйген джюреги, бычакъча, джитиди.
- Билими азны – ауузунда кирит.
- Акъыллы – эл иеси, тели – эл баласы.
- Чомартны къолун джокълукъ байлар.
- Кёзюнде тереги болгъан, чёбю болгъаннга кюле эди.
- Тил бла келеди джыр да.
- Чомарт бергенин айтмаз.
- Чакъырылгъанны аты, чакъырылмагъанны багъасы болур.
- Сагъыш – къартлыкъгъа сюйюмчю.
- Итли къонакъ джарашмаз.
- Чарсда алчыны эл кёреди.
- Сакъ юйюне сау барыр.
- Кёб джат да, бек чаб.
- Сескекли кесин билдирир.
- Адамны джюреги нени кёрюрге сюйсе, кёзю да аны кёрюрге ёч болады.
- Урама да – ёледи, сатама да – келеди.
- Айыбны суу бла джууалмазса.
- Иги – алгъыш этер, аман – къаргъыш этер.
- Душманны тышы – акъ, ичи – къара.
- Ишлегенден, къарагъан уста.
- Кёлю джокъну – джолу джокъ.
- Джаханимни кёрмей, джандетге кёл салмазса.
- Айныгъанлы алты кюн, тогъайгъанлы тогъуз кюн.
- Кёзден кетген, кёлден да кетеди.
- Тенгинг джокъ эсе – изле, бар эсе – сакъла!
- Ишленмеген джаш – джюгенсиз ат, ишленмеген къыз – тузсуз хант.
- Эл бла кёргенинг эрелей.
- Окъугъанны бети джарыкъ.
- Тил джюрекге джол ишлейди.
- Адам боллукъ, атламындан белгили болур.
- Агъач – джерни чырайы, кийим – эрни чырайы.
- Тюзню ётмеги тюзде къалса да, тас болмаз.
- Таукел къуру къалмаз.
- Чыкълы кюнде чыкъмагъан, чыкъса къуру кирмеген.
- Джуртун къоругъан озар.
- Эркишини аманы тиширыуну джылатыр.
- Эр сокъур болсун, къатын тилсиз болсун.
- Миллетни бойну – базыкъ, аны бла кюрешген – джазыкъ.
- Ашхылыкъ джерде джатмайды, аманлыкъ суугъа батмайды.
- Бал ашаргъа сюе эсенг, чибин ургъаннга тёз.
- Айырылмаз джууугъунга, унутмаз сёзню айтма.
- Кенгеш болса, уруш болмаз.
- Чомартны къолу берекет.
- Атлыны кёрсе, джаяуну буту талыр.
- Кесине оноу эте билмеген, халкъына да эте билмез.
- Азыгъы аз, алгъа къабар, аты аман, алгъа чабар.
Вечер поэзии
|
Если кого-то заинтересовало, приглашаем пройти по ссылке:
|
||||
|
|
|
|||
Читают тему (гостей: 1)