- Тамбла алтындан бюгюн багъыр ашхы.
- Эте билген, этген этеди, эте билмеген, юретген этеди!
- Ач къарным, тынч къулагъым.
- Мухар, кеси тойса да, кёзю тоймаз.
- Накъырданы арты керти болур.
- Ашхы сёз таш тешер.
- Булут кёкге джарашыу, уят бетге джарашыу.
- Ачыкъ джюрекге джол – ачыкъ.
- Аманны эки битли тону болур, бирин сеннге кийдирир, бирин кеси киер.
- Асхат ашлыкъ сата, юйдегиси ачдан къата.
- Ёгюзню мюйюзюнден тутадыла, адамны сёзюнден тутадыла.
- Тил – кесген бычакъ, сёз – атылгъан окъ.
- Эллинг бла джау болсанг да, юйюнг бла джау болма.
- Чабар ат – джетген къыз.
- Кеси юйюмде мен да ханма.
- Иги – алгъыш этер, аман – къаргъыш этер.
- Билим – акъылны чырагъы.
- Биреу къой излей, биреу той излей.
- Иги сеники эсе да, сюйген кесимикин этеме.
- Биреуге аманлыкъны тилеме да, кесинге ашхылыкъны тиле.
- Халкъны джырын джырласанг, халкъ санга эжиу этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тели турса – той бузар.
- Адамны сыфатына къарама, сёзюне къара.
- Ана кёлю – балада, бала кёлю – талада.
- Таш бла ургъанны, аш бла ур.
- Экеу тутушса, биреу джыгъылыр.
- От кюйдюрген, сау болса да, тот кюйдюрген, сау болмаз.
- Келгинчи, къонакъ уялыр, келгенден сора, къонакъбай уялыр.
- Эл бла кёргенинг эрелей.
- Сескекли кесин билдирир.
- Билим ат болуб да чабар, къуш болуб да учар.
- Кесине оноу эте билмеген, халкъына да эте билмез.
- Аманнга игилик этсенг, юйюнге сау бармазса.
- Къатыны харакетли болса, эри къымсыз болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аман адам элни бир-бирине джау этер.
- Джаным-тиним – окъуу, билим.
- Сагъыш – къартлыкъгъа сюйюмчю.
- Игиге айтсанг – билир, аманнга айтсанг – кюлюр.
- Алтыннга тот къонмаз.
- Элде адам къалмаса, ит тахтагъа минер.
- Джолунга кёре – джюрюшюнг, джагъанга кёре – юлюшюнг.
- Джан саулукъ бермей, сан саулукъ бермезсе.
- Айранны сюйген, ийнек тутар.
- Къар – келтирди, суу – элтди.
- Джашда акъыл джокъ, къартда къарыу джокъ.
- Кёзюнде тереги болгъан, чёбю болгъаннга кюле эди.
- Ойнай билмеген, оюн бузар.
- Биреуню эскиси биреуге джангы болмайды.
Ко дню Великой Победы
|
|
|
|
|
|
|
ох нуничессе, мурашки по коже...
|
|
|
|
|
|
|||
|
|
|
|
[b:14ba082797]Фортуна Фиделя[/b:14ba082797], потрясающе...
|
||||
|
|
|
|||
Читают тему (гостей: 1)