- Кийимни бир кюнню аясанг, минг кюннге джарар.
- Халкъны юйю – туугъан джери.
- Шапа кёб болса, аш татымсыз болур.
- Ашаса, ашамаса да, бёрюню ауузу – къан.
- Сормай – алма, чакъырылмай – барма.
- Эринчекни эр алмаз, эр алса да, кёл салмаз, кёл салса да, кёб бармаз!
- Тау башында, тау болмаз, джангыз терек, бау болмаз.
- Чомарт къолда мал къалмаз.
- Аууз сакълагъан – джан сакълар.
- Кёлсюзден сёзсюз тууар.
- Ана къойну – балагъа джандет.
- Тас болгъан бычакъны сабы – алтын.
- Оюмсуз атлагъан, аджалсыз ёлюр.
- Туз, гырджын аша, тюзлюк бла джаша.
- Мал кёб болса, джууукъ кёб болур.
- Накъырданы арты керти болур.
- Ата джурт – алтын бешик.
- Хар сёзню орну барды.
- Насыб бютеу халкъны юлюшюдю.
- Ётюрюкню башын керти кесер.
- Соргъан айыб тюлдю, билмеген айыбды.
- Кюн кёрмеген, кюн кёрсе, кюндюз чыракъ джандырыр.
- Кийимни бичсенг, кенг бич, тар этген къыйын тюлдю.
- Тюз сёз баргъан сууну тыяр.
- Тенги кёбню джау алмаз, акъылы кёбню дау алмаз.
- Ашхылыкъ джерде джатмайды, аманлыкъ суугъа батмайды.
- Джангыз торгъай джырламаз.
- Насыблы элин сюер, насыбсыз кесин сюер.
- Чомарт джарлы болмаз.
- Ариу сёзде ауруу джокъ.
- Рысхы джалгъанды: келген да этер, кетген да этер.
- Акъыл аздырмаз, билим тоздурмаз.
- Накъырда – кертини келечиси.
- Эл ауузу – элек, анга ийнаннган – халек.
- Аз айтсам, кёб ангылагъыз.
- Тин – байлыгъынг, терен саулугъунг.
- Этим кетсе да, сюегим къалыр.
- Къуру гыбыт бек дыгъырдар.
- Шайтан алдады, тюзлюк къаргъады.
- Аманнга да, игиге да оноусуз къатышма.
- Тамырсыз терекге таянма – джыгъылырса.
- Aдам боллукъ, сыфатындан белгили.
- Биреуге кёлтюрген таягъынг, кесинги башынга урур.
- Билмегенинги, билгеннге сор.
- Ата – билек, ана – джюрек!
- Эртде тургъан бла эртде юйленнген сокъуранмаз.
- Эри аманны, къатыны – аман.
- Ёксюзню къалачы уллу кёрюнюр.
- Къарнынг къанлынга кийирир.
- Къонагъы джокъну – шоху джокъ.
[ Закрыто ] Что вы думаете о человеке постом выше?))
Читают тему (гостей: 1)