- Джигер – джаннга къыйынлыкъ.
- Джюз элде джюз ёгюзюм болгъандан эсе, джюз джууугъум болсун.
- Аш иеси бла татлыды.
- Ётюрюкню башын керти кесер.
- Келгинчи, къонакъ уялыр, келгенден сора, къонакъбай уялыр.
- Булут кёкге джарашыу, уят бетге джарашыу.
- Эринчекни аурууу – кёб.
- Гугурук къычырмаса да, тангны атары къалмаз.
- Сагъыш – къартлыкъгъа сюйюмчю.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джарлыны тону джаз битер.
- Аурууну келиую тынч, кетиую – къыйын.
- Экиндини кеч къылсанг, чабыб джетер ашхам.
- Джаз бир кюнню джатсанг, къыш талай кюнню абынырса.
- Кийимни бичсенг, кенг бич, тар этген къыйын тюлдю.
- Киштикге къанат битсе, чыпчыкъ къалмаз эди.
- Джарлыны эшигин махтагъан джабар.
- Ашыкъгъан cуу, тенгизге джетмез.
- Ёксюзню къалачы уллу кёрюнюр.
- Сёз сёзню айтдырыр.
- Окъугъан – асыу, окъумагъан – джарсыу.
- Эрине къаргъыш этген къатын, эрнин къабар.
- Сескекли кесин билдирир.
- Чакъырылгъанны аты, чакъырылмагъанны багъасы болур.
- Тил – кесген бычакъ, сёз – атылгъан окъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айтхан сёзюне табылгъан.
- Кечеси – аяз, кюню – къыш, джарлы къаргъагъа бир аш тюш!
- Уллу атлама – абынырса, уллу къабма – къарылырса.
- Тил – миллетни джаны.
- Таукел къуру къалмаз.
- Къызгъанчдан ычхыныр, мухардан ычхынмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Къыйынлы джети элни къайгъысын этер.
- Сютню башын джалагъан къутулур, тюбюн ичген тутулур.
- Аманнга да, игиге да оноусуз къатышма.
- Тик ёргени, тик энгишгеси да болады.
- «Ёгюз, джаргъа джууукъ барма, меннге джюк боллукъса», - дегенди эшек.
- Къуру гыбыт бек дыгъырдар.
- Баш болса, бёрк табылыр.
- Мал ёлсе, сюек къалыр, адам ёлсе, иши къалыр.
- Магъанасыз сёз – тауушсуз сыбызгъы.
- Тау башында, тау болмаз, джангыз терек, бау болмаз.
- Байны оноуу, джарлыгъа джарамаз.
- Биреуню къыйынлыгъы бла кесинге джол ишлеме.
- Аман къатын алгъан, арыр, иги къатын алгъан джарыр.
- Дуния малгъа сатылма, кесингден телиге къатылма.
- Сабийликде юретмесенг, уллу болса – тюзелмез.
- Сёз къанатсыз учар.
- Ишлегенден, къарагъан уста.
[ Закрыто ] Девчонки с Кисловодска
Читают тему (гостей: 1)