- Къонакъ аз олтурур, кёб сынар.
- Тилде сюек болмаса да, сюек сындырыр.
- Хата – гитчеден.
- Таукел адам тау тешер.
- Къумурсхала джыйылсала, пилни да джыгъадыла.
- Мал ёлсе, сюек къалыр, адам ёлсе, иши къалыр.
- Аманны тукъумуна къарама, игини тукъумун сорма.
- Къоркъакъны кёзю экили кёрюр.
- Эрни эр этерик да, къара джер этерик да, тиширыуду.
- Башсыз урчукъ тюзюне айланмаз.
- Алим болгъандан эсе, адам болгъан къыйынды.
- Къуллукъчума, деб махтанма, къуллукъ – хаух джамчыды!
- Эринчекни аурууу – кёб.
- Айтылгъан сёз ызына къайтмаз.
- Ашда уялгъан – мухар, ишде уялгъан – хомух.
- Иги – алгъыш этер, аман – къаргъыш этер.
- Сабий кёргенин унутмаз.
- Джашынгы кесинг юретмесенг, джашау юретир.
- Кечеси – аяз, кюню – къыш, джарлы къаргъагъа бир аш тюш!
- Ёлюр джаннга, ёкюл джокъ.
- Мураты болгъанны джюрек тебюую башхады.
- Адамны адамлыгъы къыйынлыкъда айгъакъланады.
- Джюрекге ариу – кёзге да ариу.
- Джюрекден джюрекге джол барды.
- Джахил болса анасы, не билликди баласы?
- Хоншуну тауугъу къаз кёрюнюр, келини къыз кёрюнюр.
- Ишге юренсин къоллары, халкъ бла болсун джоллары.
- Ишни аллы бла къууанма да, арты бла къууан.
- Джаным-тиним – окъуу, билим.
- Тёрени джагъы джокъ.
- Ёзденликни кёбю ётюрюк.
- Къызны минг тилер, бир алыр.
- Тил бла келеди джыр да.
- Орну джокъну – сыйы джокъ.
- Чабар ат – джетген къыз.
- Илму – джашауну джолу.
- Агъач халкъгъа алтынды, иссиликге салкъынды.
- Джаз бир кюнню джатсанг, къыш талай кюнню абынырса.
- Оюмсуз атлагъан, аджалсыз ёлюр.
- Акъыллы эркиши атын махтар, акъылсыз эркиши къатынын махтар.
- Акъыллы башны – тили къысха.
- Джан саулукъ бермей, сан саулукъ бермезсе.
- Тешигини къатында, чычхан да батыр болур.
- Ашыкъгъан cуу, тенгизге джетмез.
- Чомартны къолун джокълукъ байлар.
- Суугъа – чабакъ, къаягъа – ыргъакъ.
- Чакъырылмагъан къонакъ – орунсуз.
- Ёнгкюч къууана барыр, джылай келир.
- Атлыны ашхысы, ат тизгининден билинир
- Ариу сёз – джаннга азыкъ, аман сёз – башха къазыкъ.
[ Закрыто ] Девчонки с Кисловодска
Читают тему (гостей: 1)