- Адамны адамлыгъы къыйынлыкъда айгъакъланады.
- Намыс болмагъан джерде, насыб болмаз.
- Тойгъандан сора, ашны сёкме.
- Таш бла ургъанны, аш бла ур.
- Ашхы – джыяр, аман – джояр.
- Адебни адебсизден юрен.
- Ётюрюкчюню шагъаты – къатында.
- Керек ташны ауурлугъу джокъ.
- Тюзлюк шохлукъну бегитир.
- Къартны сыйын кёрмеген, къартлыгъында сыйлы болмаз.
- Намысы джокъну – дуниясы джокъ.
- Телиге от эт десенг, юйюнге от салыр.
- Джашда акъыл джокъ, къартда къарыу джокъ.
- Къайтырыкъ эшигинги, къаты уруб чыкъма.
- Окъуу – билимни ачхычы, окъуу – дунияны бачхычы.
- Кесинге джетмегенни, кёб сёлешме.
- Кюл тюбюндеги от кёрюнмейди.
- Ётген ёмюр – акъгъан суу.
- Гырджын – тепсини тамадасы.
- Тёгюлген тюгел джыйылмайды.
- Джарлы джети элни сёзюн этер.
- Хар зат кесини орнуна иги.
- Минг тенг да азды, бир джау да кёбдю.
- Ариу сёз джыланны орнундан чыгъарыр.
- Джылар джаш, атасыны сакъалы бла ойнар.
- Акъдан къара болмаз.
- Дуния аламаты сен эсенг да, игиме деб айтма.
- Кийим тукъум сордурур.
- Чомартха хар кюн да байрамды.
- Аман адамны тепсинге олтуртсанг, къызынгы тилер.
- Ата – билек, ана – джюрек!
- Этни да ашады, бетни да ашады.
- Тыш элде солтан болгъандан эсе, кесинги элде олтан болгъан игиди!
- Джырчы ёлсе, джыры къалыр.
- Бойнуму джети джерден кессенг да, мен ол ишни этеллик тюлме.
- Аууз сакълагъан – джан сакълар.
- Аллахдан тилесенг, кёб тиле.
- Суу кетер, таш къалыр.
- Кёбден умут этиб, аздан къуру къалма.
- Рысхы – сют юсюнде кёмюк кибикди.
- Эл бла кёргенинг эрелей.
- Келинин тута билмеген, къул этер, къызын тута билмеген, тул этер.
- Арпа, будай – ащды, алтын, кюмюш а – ташды.
- Джюз элде джюз ёгюзюм болгъандан эсе, джюз джууугъум болсун.
- Ётюрюкню къуйругъу – бир тутум.
- Аякъларынгы джууургъанынга кёре узат.
- Экиндини кеч къылсанг, чабыб джетер ашхам.
- Хатерли къул болур.
- Джарлыны тону джаз битер.
- Джарлы эскисин джамаса, къууаныр.
Что стало с чатом?
Читают тему (гостей: 1)