- Атлыны ашхысы, ат тизгининден билинир
- Рысхысына кёре, джаш ёсер, къышлыгъына кёре, мал ёсер.
- Адамны аманы адамны бети бла ойнар.
- Булут кёкге джарашыу, уят бетге джарашыу.
- Тамбла алтындан бюгюн багъыр ашхы.
- Къонакъ аман болса, къонакъбай джунчур
- Биреуге аманлыкъны тилеме да, кесинге ашхылыкъны тиле.
- Рысхы – насыбха къор.
- Сагъышы джокъ – джукъучу, акъылы джокъ – къаугъачы.
- Кийимни бичсенг, кенг бич, тар этген къыйын тюлдю.
- Телини эшигин, махтау джабар.
- Ашхы атаны – джашы ашхы, ашхы ананы – къызы ашхы.
- Эрни эр этерик да, къара джер этерик да, тиширыуду.
- Джырчы ёлсе, джыры къалыр.
- Къыз тиширыу кеси юйюнде да къонакъды.
- Алтыннга тот къонмаз.
- Аллахха ийнаннган кишини, Аллах онгдурур ишин.
- Элни кючю – эмеген.
- Аууз сакълагъан – джан сакълар.
- Ышармагъан – кюлмез, кюлмеген – къууанчны билмез.
- Джыгъылгъанны сырты джерден тоймаз.
- Туз, гырджын аша, тюзлюк бла джаша.
- Билим – акъылны чырагъы.
- Хантына кёре тузу, юйюне кёре къызы.
- Суу кетер, таш къалыр.
- Ётюрюкден тюбю джокъ, кёлтюрюрге джиби джокъ.
- Биреуню эскиси биреуге джангы болмайды.
- Арбаз сайлама да, хоншу сайла.
- Джашлыкъ этмеген, башлыкъ этмез.
- Къоркъакъны кёзю экили кёрюр.
- Ким бла джюрюсенг, аны кёзю бла кёрюнюрсе.
- От этилмеген джерден тютюн чыкъмайды.
- Эски джаугъа ышанма.
- Мадар болса, къадар болур.
- Намыс сатылыб алынмайды.
- Таш бла ургъанны, аш бла ур.
- Адебсиз адам – джюгенсиз ат.
- Къонакъ болсанг, ийнакъ бол.
- Адамны аты башхача, акъылы да башхады.
- Кесинг сынамагъан затны, адамгъа буюрма.
- Ашхы адам – халкъ байлыгъы, ашхы джер – джашау байлыгъы.
- Берекет берсин деген джерде, берекет болур.
- Джангыз терек къынгыр ёсер.
- Къалгъан ишге къар джауар.
- Тас болгъан бычакъны сабы – алтын.
- Бал – татлы, балдан да бала – татлы.
- Къарыусузгъа кюлме, онгсузгъа тийме.
- Эркиши – от, тиширыу – суу.
- Джырчы джырчыгъа – къарнаш.
- Къазанны башы ачыкъ болса, итге уят керекди.
[ Закрыто ] Келигиз тауча жырла жырлайыкъ!
Читают тему (гостей: 1)