- Арба аугъандан сора, джол кёргюзтюучю кёб болур.
- Зарда марда джокъ.
- Хатерли къул болур.
- Хар адамгъа кеси миннген тау кибик.
- Джашлыкъ этмеген, башлыкъ этмез.
- Джаш къарыу бла кючлю, къарт акъыл бла кючлю.
- Чыбыкълыкъда бюгюлмеген, къазыкълыкъда бюгюлмей эди.
- Иги адамны бир сёзю эки болмаз.
- Ёлген аслан – сау чычхан.
- Юйлю уругъа ит чабмаз.
- Джыйырма къойну юч джыйырма эбзе кюте эди.
- Къонакъ кёб келюучю юйню, къазаны отдан тюшмез.
- Ётген ёмюр – акъгъан суу.
- Акъдан къара болмаз.
- Аман эсирсе, юйюн ояр.
- Башы ишлегенни, ауузу да ишлер.
- Тюзлюк шохлукъну бегитир.
- Ауругъаннга – кийик саулукъ, джетген къызгъа – чилле джаулукъ.
- Тамбла алтындан бюгюн багъыр ашхы.
- Терслик кетер, тюзлюк джетер.
- Суу да къайтады чыкъгъан джерине.
- Тил – кесген бычакъ, сёз – атылгъан окъ.
- Эм уллу байлыкъ – джан саулукъ.
- Сабыр джетер муратха, сабырсыз къалыр уятха.
- Сёз къанатсыз учар.
- Тойгъан антын унутур.
- Эринчекге кюн узун.
- Бети – къучакълар, джюреги – бычакълар.
- Адам къаллай бир ишленмесе, аллай бир кесин уллу кёреди.
- Сакъ юйюне сау барыр.
- Ишин билген, аны сыйын чыгъарады.
- Билмегенинги, билгеннге сор.
- Дуния малгъа сатылма, кесингден телиге къатылма.
- Шекер бла туз – бир болмаз, ушамагъан – юй болмаз.
- Ётюрюкню башын керти кесер.
- Бир онгсуз адам адет чыгъарды, деб эштирик тюлсе.
- Кёбге таш атма.
- Ёлюр джаннга, ёкюл джокъ.
- Бичгенде ашыкъма, тикгенде ашыкъ.
- Урама да – ёледи, сатама да – келеди.
- Джюрекден джюрекге джол барды.
- Ишлемеген – тишлемез.
- Бетинги сатма, малынгы сат.
- Ат да турмайды бир териде.
- Джарлыны тону джаз битер.
- Кёбден умут этиб, аздан къуру къалма.
- Булут кёкге джарашыу, уят бетге джарашыу.
- Ашыкъгъан cуу, тенгизге джетмез.
- Ариу сёз – джаннга азыкъ, аман сёз – башха къазыкъ.
- Джукъу тёшек сайламайды.
[ Закрыто ] Келигиз тауча жырла жырлайыкъ!
Читают тему (гостей: 1)