- Эски джаугъа ышанма.
- Аууздан келген, къолдан келсе, ким да патчах болур эди.
- Къолунгдан къуймакъ ашатсанг да, атаны борчундан къутулмазса.
- Акъыл неден да кючлюдю.
- Аманны тукъумуна къарама, игини тукъумун сорма.
- Кёкдеги болмаса, джердегин кёрмейди.
- Джыланны къуйругъундан басарынг келсе, аны башы болгъанын унутма.
- Нарт сёз къарт болмаз.
- Баргъанынга кёре болур келгенинг.
- Тилсиз миллет джокъ болур.
- Элиб деген, элге болушур.
- Накъырданы арты керти болур.
- Тюзню ётмеги тюзде къалса да, тас болмаз.
- Башы ишлегенни, ауузу да ишлер.
- Ана къолу ачытмаз.
- Аманнга да, игиге да оноусуз къатышма.
- Тай асырагъан, атха минер.
- Адамны артындан къара сабан сюрме.
- Ат басханны джер билед.
- Адам сёзге тынгыла, акъыл сёзню ангыла.
- Къуру гыбыт бек дыгъырдар.
- Душманны тышы – акъ, ичи – къара.
- Билимден уллу байлыкъ джокъду.
- Билимсиз иш бармаз.
- Эшекни не къадар тюйсенг да, ат болмаз.
- Арпа, будай – ащды, алтын, кюмюш а – ташды.
- Татлы тилде – сёз ариу, чемер къолда – иш ариу.
- Сормай – алма, чакъырылмай – барма.
- Ашыкъгъан cуу, тенгизге джетмез.
- Босагъа таш юйге кирмей эди, тыбыр таш эшикге чыкъмай эди.
- Аш кетер да бет къалыр.
- Терслик кетер, тюзлюк джетер.
- Атынг аманнга чыкъгъандан эсе, джанынг тамагъынгдан чыкъсын.
- Аш иеси бла татлыды.
- Сёз садакъдан кючлюдю.
- Ёзденликни джайгъан – джокълукъ.
- Джаш къарыу бла кючлю, къарт акъыл бла кючлю.
- Ёлген эшек бёрюден къоркъмайды.
- Иги – алгъыш этер, аман – къаргъыш этер.
- Тенги кёбню джау алмаз, акъылы кёбню дау алмаз.
- Мал кёб болса, джууукъ кёб болур.
- Тюзлюк шохлукъну бегитир.
- Намысы болмагъанны, сыйы болмаз.
- Бир абыннган – минг сюрюнюр.
- Ёгюзню мюйюзлери ауурлукъ этмейдиле.
- Джахил болса анасы, не билликди баласы?
- Арыгъан къош чамчы болур.
- Джюрек кёзден алгъа кёрюр.
- Чомартха Тейри да борчлуду.
- Сыфатында болмагъаны, суратында болмаз.
[ Закрыто ] МУСУЛЬМАНСКИЕ ЗАКОНЫ + кавказские адеты + КАРАЧАЕВСКИЕ ОБЫЧА
Читают тему (гостей: 1)