- Ашыкъгъан cуу, тенгизге джетмез.
- Азыгъы аз, алгъа къабар, аты аман, алгъа чабар.
- Иги сёз – джаннга азыкъ, аман сёз башха – къазыкъ.
- Намыс болмагъан джерде, насыб болмаз.
- Кёз – сюйген джерде, къол – ауругъан джерде.
- Намыс сатылыб алынмайды.
- Кийиминг бла танылма, адамлыкъ бла таныл.
- Окъуу – билимни ачхычы, окъуу – дунияны бачхычы.
- Баш болса, бёрк табылыр.
- Гугурук къычырмаса да, тангны атары къалмаз.
- Сормай – алма, чакъырылмай – барма.
- Ата Джуртча джер болмаз, туугъан элча эл болмаз.
- Эркишини аманы тиширыуну джылатыр.
- Баланы адам этген анады.
- Намысы болмагъанны, сыйы болмаз.
- Тилсиз миллет джокъ болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къатын къылыкъсыз, эр тынчлыкъсыз.
- Ашхы болсанг, атынг чыгъар, аман болсанг, джанынг чыгъар.
- Гырджын – тепсини тамадасы.
- Аууздан келген, къолдан келсе, ким да патчах болур эди.
- Эл тойса, тоймагъан, эл къойса, къоймагъан.
- Къайгъы тюбю – тенгиз.
- Аш хазыр болса, иш харам болур.
- Тас болгъан бычакъны сабы – алтын.
- Эрине къаргъыш этген къатын, эрнин къабар.
- Аман хансны – урлугъу кёб.
- Джерни букъусу кёкге къонмаз.
- Джюз элде джюз ёгюзюм болгъандан эсе, джюз джууугъум болсун.
- Тойгъандан сора, ашны сёкме.
- Тюз сёз баргъан сууну тыяр.
- Къарт бла баш аша, джаш бла аякъ аша.
- Насыблы элин сюер, насыбсыз кесин сюер.
- Чабакъ башындан чирийди.
- Ач – эснер, ат – кишнер.
- Ач къарным, тынч къулагъым.
- Сыфатында болмагъаны, суратында болмаз.
- Чомарт джарлы болмаз.
- Билмезни кёзю кёрмез, этмезни къулагъы эшитмез.
- Эки элинги тыйсанг, джети элде махталырса.
- Ишлемеген – тишлемез.
- Ашха уста, юйюнде болсун
- Айраннга суу къош, телиге джол бош.
- Иши джокъну, сыйы джокъ.
- Тилде сюек болмаса да, сюек сындырыр.
- Адам сёзге тынгыла, акъыл сёзню ангыла.
- Агъач халкъгъа алтынды, иссиликге салкъынды.
- Артына баргъанны, къатына барма.
- Джылыгъа джылан илешир.
- Экеу тутушса, биреу джыгъылыр.
[ Закрыто ] О фамилиях (родах) ..
Читают тему (гостей: 1)