- Чомартны къолун джокълукъ байлар.
- Джыланны къуйругъундан басарынг келсе, аны башы болгъанын унутма.
- Адебни адебсизден юрен.
- Тёгюлген тюгел джыйылмайды.
- Къарын къуру болса, джюрек уру болур.
- Гугук кесини атын айтыб къычыргъанча, мен, мен деб нек тураса?
- Тыш элде солтан болгъандан эсе, кесинги элде олтан болгъан игиди!
- Сёлеш деб шай берген, тохта деб, сом берген.
- Билим – акъылны чырагъы.
- Ёлюк кебинсиз къалмаз.
- Сибиртки да сыйлы болду, кюрек да кюнлю болду.
- Аджашхан тёгерек айланыр.
- Келлик заман – къартлыкъ келтирир, кетген заман – джашлыкъ ёлтюрюр.
- Кютгени беш эчки, сызгъыргъаны уа, джерни джарады.
- Ачлыкъда тары гырджын халыуадан татлы.
- Къыз тиширыу кеси юйюнде да къонакъды.
- Сакъалы текени да бар, мыйыгъы киштикни да бар.
- Ауругъан – джашаудан умутчу.
- Босагъа таш юйге кирмей эди, тыбыр таш эшикге чыкъмай эди.
- Биреу ашаб къутулур, биреу джалаб тутулур.
- Чабакъгъа акъыл, табагъа тюшсе келеди.
- Кийимни бир кюнню аясанг, минг кюннге джарар.
- Байлыкъ келсе, акъыл кетер.
- Илму – джашауну джолу.
- Байдан умут эте, джарлыдан ёгюз багъасы къорады.
- Ач къарным, тынч къулагъым.
- Къарнынг ауруса, ауузунгу тый
- Къызбайны юйюне дери сюрсенг, батыр болур.
- Аз сёлешген, къайгъысыз турур.
- Сабийни джумушха джибер да, ызындан бар.
- Ёлген эшек бёрюден къоркъмайды.
- Акъыл неден да кючлюдю.
- Суугъа – таянма, джаугъа – ийнанма.
- Кюлме джашха – келир башха.
- Ана – юйню кюн джарыгъы.
- Акъыллы эркиши атын махтар, акъылсыз эркиши къатынын махтар.
- Кёзюнде тереги болгъан, чёбю болгъаннга кюле эди.
- Къартха ушагъан джаш – акъыллы, джашха ушагъан къарт – тели.
- Аджаллыгъа окъсуз шкок атылыр.
- Джашлыкъ этмеген, башлыкъ этмез.
- Къатын къылыкъсыз, эр тынчлыкъсыз.
- Рысхысына кёре, джаш ёсер, къышлыгъына кёре, мал ёсер.
- Аман хансны – урлугъу кёб.
- Орну джокъну – сыйы джокъ.
- Ариу сёзде ауруу джокъ.
- Билген билмегенни юретген адетди.
- Кесинге джетмегенни, кёб сёлешме.
- Байлыкъ болгъан джерде, тынчлыкъ джокъду.
- Гугурук къычырмаса да, тангны атары къалмаз.
- Кёзден кетген, кёлден да кетеди.
[ Закрыто ] С днём рождения, Эльбрусоид!
Читают тему (гостей: 1)