- Кёл – къызбай, къол – батыр.
- Асхат ашлыкъ сата, юйдегиси ачдан къата.
- Адамны сабийин сюйген джюреги, бычакъча, джитиди.
- Таугъа чыгъаллыкъ эсенг, тюзде къалма.
- Билим насыб берир, билим джолну керир.
- Кёзню ачылгъаны – иги, ауузну джабылгъаны – иги.
- Ач къарынны, токъ билмез
- Бал ашаргъа сюе эсенг, чибин ургъаннга тёз.
- Къыйынлы джети элни къайгъысын этер.
- Айырылгъанланы айю ашар, бёлюннгенлени бёрю ашар.
- Сабий болмагъан джерде, мёлек болмаз.
- Къан бла кирген, джан бла чыгъар.
- Адеб этмеген, адеб кёрмез.
- Ариу сёз – джаннга азыкъ, аман сёз – башха къазыкъ.
- Сабийни джумушха джибер да, ызындан бар.
- Ашхы – джыяр, аман – джояр.
- Чакъырылмагъан къонакъ тёрге атламаз.
- Келлик заман – къартлыкъ келтирир, кетген заман – джашлыкъ ёлтюрюр.
- Нёгер болсанг, тенг бол, тенг болмасанг, кенг бол.
- Aдам боллукъ, сыфатындан белгили.
- Къулакъдан эсе, кёзге ышан.
- Бетинги сатма, малынгы сат.
- Сакъ юйюне сау барыр.
- Ашыкъгъан cуу, тенгизге джетмез.
- Ачлыкъ отха секиртир.
- Акъыл бла адеб эгизледиле.
- Тойчу джашха къарама, къойчу джашха къара.
- Аз сёлешген, къайгъысыз турур.
- Къолунгдан къуймакъ ашатсанг да, атаны борчундан къутулмазса.
- Аман къатын сабий табса, бий болур…
- Аманны тукъумуна къарама, игини тукъумун сорма.
- Ашхы сёз таш тешер.
- Тик ёргени, тик энгишгеси да болады.
- Юйлю уругъа ит чабмаз.
- Ким бла джюрюсенг, аны кёзю бла кёрюнюрсе.
- Иги бла джюрюсенг, джетерсе муратынга, аман бла джюрюсенг, къалырса уятха.
- Босагъагъа джууукъ орун болса, ашыгъыб тёрге озма.
- Чомарт бергенин айтмаз.
- Бёрю да ач къалмасын, эчки да ашалмасын.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кёз – сюйген джерде, къол – ауругъан джерде.
- Гитче джилтин уллу элни джандырыр.
- От этилмеген джерден тютюн чыкъмайды.
- Джырына кёре эжиую.
- Келинни – келгинчи, бёркню кийгинчи кёр.
- Джангызны оту джарыкъ джанмаз!
- Миллетни бойну – базыкъ, аны бла кюрешген – джазыкъ.
- Кенгеш болса, уруш болмаз.
- Адебсиз адам – джюгенсиз ат.
- Айран ичген – къутулду, джугъусун джалагъан – тутулду.
[ Закрыто ] С днём рождения, Эльбрусоид!
Читают тему (гостей: 1)