- Телиге от эт десенг, юйюнге от салыр.
- Бетинги сатма, малынгы сат.
- Ашаса, ашамаса да, бёрюню ауузу – къан.
- Юй ишлеген балта эшикде къалыр.
- Таугъа чыгъаллыкъ эсенг, тюзде къалма.
- Туз, гырджын аша, тюзлюк бла джаша.
- Къарнынг къанлынга кийирир.
- Суугъа – чабакъ, къаягъа – ыргъакъ.
- Тенгинг джокъ эсе – изле, бар эсе – сакъла!
- Чомарт бергенин айтмаз.
- Ач келгенни – тойдур, кеч келгенни – къондур.
- Айран ичген – къутулду, джугъусун джалагъан – тутулду.
- Аман адам этегингден тутса, кес да къач.
- Халкъны джырын джырласанг, халкъ санга эжиу этер.
- Тил бла келеди джыр да.
- Кёб ант этген, кёб ётюрюк айтыр.
- Тас болгъан бычакъны сабы – алтын.
- Хантына кёре тузу, юйюне кёре къызы.
- Джашны джигитлиги сорулур, къызны джигерлиги сорулур.
- Юйюнгден чыкъдынг – кюнюнгден чыкъдынг.
- Сакъалы текени да бар, мыйыгъы киштикни да бар.
- Ана къолу ачытмаз.
- Эки къатын алгъан – эки ташны ортасына башын салгъан.
- Алтыда кюлмеген, алтмышда кюлмез.
- Эки итни арасына сюек атма, эки адамны арасында сёз чыгъарма.
- Ашхы болсанг, атынг чыгъар, аман болсанг, джанынг чыгъар.
- Мал кёб болса, джууукъ кёб болур.
- Билген билмегенни юретген адетди.
- Эки къатын алгъанны къулагъы тынгнгаймаз.
- Нёгерсизни джолу узун.
- Тюзлюк шохлукъну бегитир.
- Бюгюн дуния кибик, тамбла ахыратды.
- Татлы сёз – балдан татлы.
- Тюзлюк тас болмайды.
- Дуния аламаты сен эсенг да, игиме деб айтма.
- Ашхылыкъ джерде джатмайды, аманлыкъ суугъа батмайды.
- Эл ауузу – элия.
- Таш ата билмеген, башына урур.
- Битмегеннге сакъал – танг.
- Мал тутхан – май джалар.
- Кесинге джетмегенни, кёб сёлешме.
- Эл бла кёргенинг эрелей.
- Тюзню ётмеги тюзде къалса да, тас болмаз.
- Юреннген ауруу къалмаз.
- Эри аманны, къатыны – аман.
- Эл ауузу – элек, анга ийнаннган – халек.
- Къумурсхала джыйылсала, пилни да джыгъадыла.
- Оюмсуз атлагъан, аджалсыз ёлюр.
- Ишлемеген – тишлемез.
- Айранны сюйген, ийнек тутар.
[ Закрыто ] Айшат))) С днем рождения))))
Читают тему (гостей: 1)