- Иги адамны бир сёзю эки болмаз.
- Билимден уллу байлыкъ джокъду.
- Юйюнгден чыкъдынг – кюнюнгден чыкъдынг.
- Чарсда алчыны эл кёреди.
- Аман хансны – урлугъу кёб.
- Хар сёзню орну барды.
- Сакъалы текени да бар, мыйыгъы киштикни да бар.
- Чакъырылмагъан къонакъ тёрге атламаз.
- Дженгил джетерикме деб, узун джолну къоюб, къысхасын барма.
- Къонакъ хазыр болгъанлыкъгъа, къонакъбай хазыр тюлдю.
- Адамны аты башхача, акъылы да башхады.
- Ач отунчуну ачыуу – бурнунда.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къоркъакъны кёзю экили кёрюр.
- Къызбайны юйюне дери сюрсенг, батыр болур.
- Джаз бир кюнню джатсанг, къыш талай кюнню абынырса.
- Малны кют, джерни тюрт.
- Аууздан келген, къолдан келсе, ким да патчах болур эди.
- Тойгъа алгъа да барма, тойда артха да къалма.
- Аман адамны тепсинге олтуртсанг, къызынгы тилер.
- Джигер – джаннга къыйынлыкъ.
- Иги джашны ышаны – аз сёлешиб, кёб тынгылар.
- Кёбню кёрген – кёб билир.
- Элде адам къалмаса, ит тахтагъа минер.
- Кёрмегеннге кебек – танг, битмегеннге сакъал – танг.
- Терслик кетер, тюзлюк джетер.
- Джырчы джырчыгъа – къарнаш.
- Ариу джол аджал келтирмез.
- Сабыр джетер муратха, сабырсыз къалыр уятха.
- Игилик игилик бла сингдирилиучю затды.
- Къарт бла баш аша, джаш бла аякъ аша.
- Аурууну келиую тынч, кетиую – къыйын.
- Ата – билек, ана – джюрек!
- Джол бла сёзню къыйыры джокъ.
- Суу да къайтады чыкъгъан джерине.
- Кюн кёрмеген, кюн кёрсе, кюндюз чыракъ джандырыр.
- Аджашхан тёгерек айланыр.
- Тилчи тилден къаныкъмаз.
- Ата – баланы уясы.
- Уллу къашыкъ эрин джыртар.
- Билмейме деген – бир сёз
- Чомартха хар кюн да байрамды.
- Байдан умут эте, джарлыдан ёгюз багъасы къорады.
- Акъыллы эркиши атын махтар, акъылсыз эркиши къатынын махтар.
- Къыз тиширыу кеси юйюнде да къонакъды.
- Юйлю уругъа ит чабмаз.
- Таукелге нюр джауар.
- Чомартха Тейри да борчлуду.
- Адамны адамлыгъы къыйынлыкъда айгъакъланады.
- Ата джурт – алтын бешик.
[ Закрыто ] Айшат))) С днем рождения))))
Читают тему (гостей: 1)