- Бозанг болмагъан джерге, къалагъынгы сукъма.
- Къан бла кирген, джан бла чыгъар.
- Ишлемеген – тишлемез.
- Таукел къуру къалмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Джумушакъ сёз къаты таякъны сындырыр.
- Дженгил джетерикме деб, узун джолну къоюб, къысхасын барма.
- Дуния мал дунияда къалады.
- Нёгерсизни джолу узун.
- Къызны минг тилер, бир алыр.
- Эринчекге кюн узун.
- Кюл тюбюндеги от кёрюнмейди.
- Кесине гебен этелмеген, биреуге черен эте эди.
- Хар сёзню орну барды.
- Ауузу бла къуш тута айланады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тамчы таш тешер.
- Ач да бол, токъ да бол – намысынга бек бол.
- Татлы тилде – сёз ариу, чемер къолда – иш ариу.
- Термилгенинги табмазса, кюлгенинге тюберсе.
- Бети къызарыучу адамны, джюреги харам болмаз.
- Мени джылытмагъан кюн, меннге тиймесин!
- Насыб бютеу халкъны юлюшюдю.
- Телини эшигин, махтау джабар.
- Тешигини къатында, чычхан да батыр болур.
- Сабий кёргенин унутмаз.
- Аз сёлешген, къайгъысыз турур.
- Ариу сёз аурууунгу алыр.
- Джерни букъусу кёкге къонмаз.
- Ашхы тенг джолгъа салыр, аман тенг джолдан тайдырыр.
- Эл элде бирер малынг болгъандан эсе, бирер тенгинг болсун.
- Биреуге аманлыкъ этиб, кесинге игилик табмазса.
- Акъыллы башны – тили къысха.
- Аджашханны ызындагъы кёреди, джангылгъанны джанындагъы биледи.
- Адамны джюреги нени кёрюрге сюйсе, кёзю да аны кёрюрге ёч болады.
- Адам туугъан джеринде, ит тойгъан джеринде.
- Азыкълы ат арымаз, къатыны аман джарымаз.
- Иги болса, тамадама – махтау, аман болса, меннге – айыб.
- Халкъгъа джарагъан, джарлы къалмаз.
- Кёб джашагъан – кёб билир.
- Кёб къычыргъандан – къоркъма, тынч олтургъандан – къоркъ.
- Уясында не кёрсе, учханында аны этер.
- Ата – билек, ана – джюрек!
- Къая джолда джортма, ачыкъ сёзден къоркъма.
- Аджаллыгъа окъсуз шкок атылыр.
- Эли джокъну – кёлю джокъ.
- Къарнынг ауруса, ауузунгу тый
- Босагъа таш юйге кирмей эди, тыбыр таш эшикге чыкъмай эди.
- Адебсиз адам – джюгенсиз ат.
- Ёмюрлюк шохлукъну джел элтмез.
[ Закрыто ] ПТЮЧ, с Днем Рождения!)
Читают тему (гостей: 1)