- Джырчы джырчыгъа – къарнаш.
- Ойнай билмеген, оюн бузар.
- Акъыл бла адеб эгизледиле.
- Къууут – джелге, берне – бошха.
- Тенгинг джокъ эсе – изле, бар эсе – сакъла!
- Рысхысына кёре, джаш ёсер, къышлыгъына кёре, мал ёсер.
- Арпа, будай – ащды, алтын, кюмюш а – ташды.
- Окъумагъан сокъурду, сокъур ташха абыныр!
- Къобан да къуру да къобханлай турмайды, адам да къуру да патчахлай турмайды.
- Ата Джуртча джер болмаз, туугъан элча эл болмаз.
- Тилчи бир сагъатха айлыкъ хата этер.
- Джогъун бар этген, барын бал этген.
- Байны къызы баймакъ болса да, юйде къалмаз!
- Тёрдеги кюлсе, эшикдеги ышарыр.
- Рысхы джалгъанды: келген да этер, кетген да этер.
- Адам къаллай бир ишленмесе, аллай бир кесин уллу кёреди.
- Уллу къашыкъ эрин джыртар.
- Телини эшигин, махтау джабар.
- Босагъа таш юйге кирмей эди, тыбыр таш эшикге чыкъмай эди.
- Юйлю уругъа ит чабмаз.
- Сибиртки да сыйлы болду, кюрек да кюнлю болду.
- Болджал ишни бёрю ашар.
- Айтылгъан буйрукъ, сёгюлмез
- Дуния аламаты сен эсенг да, игиме деб айтма.
- Къонакъ аман болса, къонакъбай джунчур
- Керилген да, ургъан кибикди.
- Айтханы чапыракъдан ётмеген.
- Тилсиз миллет джокъ болур.
- Джылар джаш, атасыны сакъалы бла ойнар.
- Сёз къанатсыз учар.
- Чоюнну башы ачыкъ болса, итге уят керекди.
- Къайгъыны сюйген, къайгъы табар.
- Айтхан сёзюне табылгъан.
- Телиге акъыл салгъандан эсе, ёлгеннге джан салырса.
- Эртде тургъан джылкъычыны эркек аты тай табар.
- Къулакъдан эсе, кёзге ышан.
- Хата – гитчеден.
- Аш хазыр болса, иш харам болур.
- Ёгюзню мюйюзюнден тутадыла, адамны сёзюнден тутадыла.
- Бек ашыкъгъан меннге джетсин, дегенди аракъы.
- Ата – баланы уясы.
- Кёл – къызбай, къол – батыр.
- Къатын къылыкъсыз, эр тынчлыкъсыз.
- Аджалсыз ёлюм болмаз.
- Айтылгъан сёз ызына къайтмаз.
- Эллинг бла джау болсанг да, юйюнг бла джау болма.
- Тюз сёз баргъан сууну тыяр.
- Ёлген ийнек сютлю болур.
- Бозаны арты дауур болур.
- Кёпюр салгъан кеси ётер, уру къазгъан кеси кетер.
[ Закрыто ] ПТЮЧ, с Днем Рождения!)
Читают тему (гостей: 1)