- Ач, тоймам, дейди, тойгъан, ач болмам, дейди.
- Башда акъыл болмаса, эки аякъгъа кюч джетер.
- Иги сёз – джаннга азыкъ, аман сёз башха – къазыкъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Къралынгы – душмандан, башынгы от бла суудан сакъла.
- Джарлы джети элни сёзюн этер.
- Ёгюзню мюйюзюнден тутадыла, адамны сёзюнден тутадыла.
- Киштикге къанат битсе, чыпчыкъ къалмаз эди.
- Хоншуну тауугъу къаз кёрюнюр, келини къыз кёрюнюр.
- Иги болса, тамадама – махтау, аман болса, меннге – айыб.
- Татлы тилде – сёз ариу, чемер къолда – иш ариу.
- Аджал соруб келмез, келсе, къайтыб кетмез.
- Башы джабылгъан челекге, кир тюшмез.
- Юй кюйдю да, кюйюз чыкъды, ортасындан тюйюш чыкъды.
- Борчунг бар эсе, хурджунунга ойлаб узал.
- Джылыгъа джылан илешир.
- Экиндини кеч къылсанг, чабыб джетер ашхам.
- Ач – эснер, ат – кишнер.
- Билими азны – ауузунда кирит.
- Биреуню къыйынлыгъы бла кесинге джол ишлеме.
- Биреуню эскиси биреуге джангы болмайды.
- Ариу сёз – къылычдан джити.
- Игилик игилик бла сингдирилиучю затды.
- Ётюрюкню башын керти кесер.
- Чыбыкълыкъда бюгюлмеген, къазыкълыкъда бюгюлмей эди.
- Джаз бир кюнню джатсанг, къыш талай кюнню абынырса.
- Адам къаллай бир ишленмесе, аллай бир кесин уллу кёреди.
- Рысхы – сют юсюнде кёмюк кибикди.
- Арбаз сайлама да, хоншу сайла.
- Иги адам абынса да, джангылмаз.
- Къайгъыны сюйген, къайгъы табар.
- Келгинчи, къонакъ уялыр, келгенден сора, къонакъбай уялыр.
- Тёрени джагъы джокъ.
- Кесинг сынамагъан затны, адамгъа буюрма.
- Хаухну атма, ёнгкючню сатма.
- Шайтан алдады, тюзлюк къаргъады.
- Акъыл сабырлыкъ берир.
- Акъылсызны джууукъгъа алма, акъыллыны кенгнге салма.
- Кёз – сюйген джерде, къол – ауругъан джерде.
- Къарнынг тойгъунчу аша да, белинг талгъынчы ишле.
- Чомарт джарлы болмаз.
- Билген билмегенни юретген адетди.
- Джашда акъыл джокъ, къартда къарыу джокъ.
- Уллу сёлешме да, уллу къаб.
- Сёз сёзню айтдырыр.
- Чомарт бергенин айтмаз.
- Ашлыкъ – бюртюкден, джюн – тюкден.
- Акъыл бла адеб эгизледиле.
- Чакъырылмай келген къонакъ сыйланмай кетер.
- Хатерли къул болур.
[ Закрыто ] Лучше поздно чем никогда! Мертвой Голове посвяшается:)
Читают тему (гостей: 1)