- Адеб джокъда, намыс джокъ.
- Адам сёзюнден белгили.
- Тешигини къатында, чычхан да батыр болур.
- Кёзюнде тереги болгъан, чёбю болгъаннга кюле эди.
- Ишлегенден, къарагъан уста.
- Ач келгенни – тойдур, кеч келгенни – къондур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къошда джокъгъа – юлюш джокъ.
- Нафысынгы айтханын этме, намысынгы айтханын эт.
- Сормай – алма, чакъырылмай – барма.
- Этек чакъмакълары баш джаргъан, сёлешген сёзлери таш джаргъан.
- Ауурну тюбю бла, дженгилни башы бла джюрюген.
- Чомарт бергенин айтмаз.
- Ачыкъ джюрекге джол – ачыкъ.
- Аджал соруб келмез, келсе, къайтыб кетмез.
- Эм ашхы къайын ана мамукъ бла башынгы тешер.
- Джылыгъа джылан илешир.
- «Ма», - дегенни билмесенг, «бер», - дегенни билмезсе.
- Татлы тилде – сёз ариу, чемер къолда – иш ариу.
- Ариу сёзде ауруу джокъ.
- Тойчу джашха къарама, къойчу джашха къара.
- Иги болса, тамадама – махтау, аман болса, меннге – айыб.
- Ат басханны джер билед.
- Юй кюйдю да, кюйюз чыкъды, ортасындан тюйюш чыкъды.
- Ауузу аманнга «иги», деме.
- Сютню башын джалагъан къутулур, тюбюн ичген тутулур.
- Къарнынг къанлынга кийирир.
- Ушамагъан – джукъмаз.
- Ауругъан – джашаудан умутчу.
- Хар сёзню орну барды.
- Джаз бир кюнню джатсанг, къыш талай кюнню абынырса.
- Ёзденликни кёбю ётюрюк.
- Айран ичген – къутулду, джугъусун джалагъан – тутулду.
- Къызгъанчдан ычхыныр, мухардан ычхынмаз.
- Къонакъ аз олтурур, кёб сынар.
- Ёгюзню мюйюзлери ауурлукъ этмейдиле.
- Намысы болмагъанны, сыйы болмаз.
- Къарт болгъан джерде, берекет болур, сабий болгъан джерде, оюн болур.
- Кесине гебен этелмеген, биреуге черен эте эди.
- Билмезни кёзю кёрмез, этмезни къулагъы эшитмез.
- Урама да – ёледи, сатама да – келеди.
- Тюзлюк тас болмайды.
- Арбаз къынгырды да, ийнек сауалмайма.
- Къумурсхала джыйылсала, пилни да джыгъадыла.
- Ач – эснер, ат – кишнер.
- Билими азны – ауузунда кирит.
- Къарыусузгъа кюлме, онгсузгъа тийме.
- Сакъалы текени да бар, мыйыгъы киштикни да бар.
- Ариу сёз джыланны орнундан чыгъарыр.
- Къая джолда джортма, ачыкъ сёзден къоркъма.
У кого есть СМСки на карачаево-балкарском языке)) Скинемся))
|
Что эта тема делает в этом разделе? :smt017
зы: пока повисит тут, потом решу её судьбу
|
||||
|
|
|
|||
Читают тему (гостей: 1)