- Тёрени джагъы джокъ.
- Гугук кесини атын айтыб къычыргъанча, мен, мен деб нек тураса?
- Эллинг бла джау болсанг да, юйюнг бла джау болма.
- Аллахдан тилесенг, кёб тиле.
- Телини эшигин, махтау джабар.
- Кёпюр салгъан кеси ётер, уру къазгъан кеси кетер.
- Къарыусузгъа кюлме, онгсузгъа тийме.
- Айран ичген – къутулду, джугъусун джалагъан – тутулду.
- Иги адамны бир сёзю эки болмаз.
- Биреу къой излей, биреу той излей.
- Ач – эснер, ат – кишнер.
- Тиширыусуз юй – отсуз от джагъа.
- Айтханы чапыракъдан ётмеген.
- Кёбге таш атма.
- Адеби болмагъан къыз – тузсуз хант.
- Айырылгъанланы айю ашар, бёлюннгенлени бёрю ашар.
- Адамны сабийин сюйген джюреги, бычакъча, джитиди.
- Къарт бла баш аша, джаш бла аякъ аша.
- Ата Джуртун танымагъан, атасын да танымаз.
- Кёб ант этген, кёб ётюрюк айтыр.
- Ашхы болсанг, атынг чыгъар, аман болсанг, джанынг чыгъар.
- Ачылгъан эт джабылыр, кёрген кёз унутмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Аман киши кеси юйюнде – къонакъ.
- Къозулугъунда тоймагъан, къойлугъунда тоймаз.
- Бети къызарыучу адамны, джюреги харам болмаз.
- Ач уят къоймаз.
- Арпа, будай – ащды, алтын, кюмюш а – ташды.
- Къайгъы тюбю – тенгиз.
- Джаш къарыу бла кючлю, къарт акъыл бла кючлю.
- Тилчиден кери бол.
- Илму – джашауну джолу.
- Суу да къайтады чыкъгъан джерине.
- Эли джокъну – кёлю джокъ.
- Ат басханны джер билед.
- Аманны тукъумуна къарама, игини тукъумун сорма.
- Байлыкъ тауусулур, билим тауусулмаз.
- Джангыз терек къынгыр ёсер.
- Тамбла алтындан бюгюн багъыр ашхы.
- Ач да бол, токъ да бол – намысынга бек бол.
- Акъыллы – эл иеси, тели – эл баласы.
- Aдам боллукъ, сыфатындан белгили.
- Этим кетсе да, сюегим къалыр.
- Баш – акъыл ючюн, акъылман – халкъ ючюн.
- Ашлыкъ – бюртюкден, джюн – тюкден.
- Болджал ишни бёрю ашар.
- Ашхы тенг джолгъа салыр, аман тенг джолдан тайдырыр.
- Айраннга суу къош, телиге джол бош.
- Юй кюйдю да, кюйюз чыкъды, ортасындан тюйюш чыкъды.
- Аманнга да, игиге да оноусуз къатышма.
Лекции "70 воспитательных польз от поста"
Читают тему (гостей: 1)