- Кёб ант этген, кёб ётюрюк айтыр.
- Бет бетге къараса, бет да джерге къарар.
- Джахил болса анасы, не билликди баласы?
- Ханнга да келеди хариблик.
- Джуртун къоругъан озар.
- Шайтан алдады, тюзлюк къаргъады.
- Сакъламагъан затынга джолукъсанг, не бек къууанаса, не бек ачыйса.
- Билмейме деген – бир сёз
- Джол бла сёзню къыйыры джокъ.
- Къар – келтирди, суу – элтди.
- Чакъырылмагъан къонакъ къачан кетерин сормаз.
- Къатын байлыкъны сюер, эр саулукъну сюер.
- Хар зат кесини орнуна иги.
- Бек анасы джыламаз.
- Ашлыкъны арба юйге келтирир, чана базаргъа элтир.
- Сабийни джумушха джибер да, ызындан бар.
- Игилик игилик бла сингдирилиучю затды.
- Адамны аты башхача, акъылы да башхады.
- Дууулдаса – бал чибин, къонса – къара чибин.
- Бойнуму джети джерден кессенг да, мен ол ишни этеллик тюлме.
- Агъач халкъгъа алтынды, иссиликге салкъынды.
- Бети – къучакълар, джюреги – бычакълар.
- Ёзденликни джайгъан – джокълукъ.
- Билген билмегенни юретген адетди.
- Къарыусузгъа кюлме, онгсузгъа тийме.
- Дженгил джетерикме деб, узун джолну къоюб, къысхасын барма.
- Келинин тута билмеген, къул этер, къызын тута билмеген, тул этер.
- Нафысынгы айтханын этме, намысынгы айтханын эт.
- Уллу атлама – абынырса, уллу къабма – къарылырса.
- Эл ауузу – элия.
- Къыз чыгъаргъан – къызыл къымжа.
- Тенгинг джокъ эсе – изле, бар эсе – сакъла!
- Хантына кёре тузу, юйюне кёре къызы.
- Къарын къуру болса, джюрек уру болур.
- Арыгъан къош чамчы болур.
- Илму – джашауну джолу.
- Сагъышы джокъ – джукъучу, акъылы джокъ – къаугъачы.
- Байдан умут эте, джарлыдан ёгюз багъасы къорады.
- Эски джаугъа ышанма.
- Чомарт къонакъ юй иесин сыйлар.
- Ашхы атаны – джашы ашхы, ашхы ананы – къызы ашхы.
- Къумурсхала джыйылсала, пилни да джыгъадыла.
- Ишге юренсин къоллары, халкъ бла болсун джоллары.
- Аш кетер да бет къалыр.
- Уруну арты – къуру.
- Суу кетер, таш къалыр.
- Ата – билек, ана – джюрек!
- Адамны артындан къара сабан сюрме.
- Юйлю уругъа ит чабмаз.
- Къыйынлы джети элни къайгъысын этер.
