- Айранны сюйген, ийнек тутар.
- Адам боллукъ, атламындан белгили болур.
- Ашхылыкъ джерде джатмайды, аманлыкъ суугъа батмайды.
- Ойнаб айтсанг да, эслеб айт.
- Сагъышы джокъ – джукъучу, акъылы джокъ – къаугъачы.
- Къыз келсе, джумуш эте келеди, къатын келсе, ушакъ эте келеди.
- Бастасын ашагъан, хантусун да ичер.
- Алим болгъандан эсе, адам болгъан къыйынды.
- Ата джурт – алтын бешик.
- Кёрмегеннге кебек – танг, битмегеннге сакъал – танг.
- Хансыз джомакъ болмаз.
- Аз сёлешген, къайгъысыз турур.
- Байны оноуу, джарлыгъа джарамаз.
- Юй кюйдю да, кюйюз чыкъды, ортасындан тюйюш чыкъды.
- Сабийликде юретмесенг, уллу болса – тюзелмез.
- Атынг аманнга чыкъгъандан эсе, джанынг тамагъынгдан чыкъсын.
- Уллу сёзде уят джокъ.
- Джырчы джырчыгъа – къарнаш.
- Сабийни джумушха джибер да, ызындан бар.
- Сёз сёзню айтдырыр.
- Келинин тута билмеген, къул этер, къызын тута билмеген, тул этер.
- Байдан умут эте, джарлыдан ёгюз багъасы къорады.
- Арпа, будай – ащды, алтын, кюмюш а – ташды.
- Чакъырылмагъан къонакъ тёрге атламаз.
- Атлыны ашхысы, ат тизгининден билинир
- Сёз – кюмюш, джыр – алтын.
- Таш бла ургъанны, аш бла ур.
- Чёбню кёлтюрсенг, тюбюнден сёз чыгъар.
- Ауругъаннга – кийик саулукъ, джетген къызгъа – чилле джаулукъ.
- Суу ичген шауданынга тюкюрме.
- Тёзген – тёш ашар!
- Ёлген эшек бёрюден къоркъмайды.
- Уруну арты – къуру.
- Къыз чыгъаргъан – къызыл къымжа.
- Байлыкъдан саулукъ ашхыды.
- Накъырда – кертини келечиси.
- Эки къатын алгъанны къулагъы тынгнгаймаз.
- Аш берме да, къаш бер.
- Аш иеси бла татлыды.
- Юйюнгден чыкъдынг – кюнюнгден чыкъдынг.
- Онгсузну – джакъла, тенгликни – сакъла.
- Эртде тургъан бла эртде юйленнген сокъуранмаз.
- Тешик этген тынчды, аны джамагъан къыйынды.
- Шапа кёб болса, аш татымсыз болур.
- Къартны бурнун сюрт да, оноугъа тут.
- Шекер бла туз – бир болмаз, ушамагъан – юй болмаз.
- Джашны джигитлиги сорулур, къызны джигерлиги сорулур.
- Болджал ишни бёрю ашар.
- Сабыр джетер муратха, сабырсыз къалыр уятха.
- Насыб бютеу халкъны юлюшюдю.