- Сабийни джумушха джибер да, ызындан бар.
- Тешигини къатында, чычхан да батыр болур.
- Джаханимни кёрмей, джандетге кёл салмазса.
- Къайгъы тюбю – тенгиз.
- Тели турса – той бузар.
- Тойгъа барсанг, тоюб бар, эски тонунгу къоюб бар.
- Бал – татлы, балдан да бала – татлы.
- Агъач халкъгъа алтынды, иссиликге салкъынды.
- Чакъырылмай келген къонакъ сыйланмай кетер.
- Алтыда кюлмеген, алтмышда кюлмез.
- Сёз къанатсыз учар.
- Шекер бла туз – бир болмаз, ушамагъан – юй болмаз.
- Къызбайны юйюне дери сюрсенг, батыр болур.
- Къарны аманнга къазан такъдырма, къолу аманнга от джакъдырма.
- Айырылмаз джууугъунга, унутмаз сёзню айтма.
- Таугъа чыгъаллыкъ эсенг, тюзде къалма.
- Атлыны кёрсе, джаяуну буту талыр.
- Адебни адебсизден юрен.
- Къуру гыбыт бек дыгъырдар.
- Сакъалы текени да бар, мыйыгъы киштикни да бар.
- Орну джокъну – сыйы джокъ.
- Тилсиз миллет джокъ болур.
- Джангыз терек къынгыр ёсер.
- Мал тутхан – май джалар.
- Бир онгсуз адам адет чыгъарды, деб эштирик тюлсе.
- Адамны аты башхача, акъылы да башхады.
- Айранны сюйген, ийнек тутар.
- Кенгеш болса, уруш болмаз.
- Ётюрюкню башын керти кесер.
- Къаллай салам берсенг, аллай джууаб алырса.
- Джаным-тиним – окъуу, билим.
- Акъыл аздырмаз, билим тоздурмаз.
- Ат да турмайды бир териде.
- Билим къая тешер.
- Акъыллы эркиши атын махтар, акъылсыз эркиши къатынын махтар.
- Огъурлуну сёзю – суу, огъурсузну сёзю – уу.
- Къазанда болса, чолпугъа чыгъар.
- Билген билмегенни юретген адетди.
- Аууздан келген, къолдан келсе, ким да патчах болур эди.
- Джырчы ёлсе, джыры къалыр.
- Джюрекден джюрекге джол барды.
- Ач къалгъандан, кеч къалгъан къолай.
- Игини сыйлагъан адетди.
- Аджашханны ызындагъы кёреди, джангылгъанны джанындагъы биледи.
- Къарт айтханны этмеген, къартаймаз.
- Ашатыргъа иш – ашхы, ишлетирге аш – ашхы.
- Берекет берсин деген джерде, берекет болур.
- Арбаз къынгырды да, ийнек сауалмайма.
- Ачыкъ джюрекге джол – ачыкъ.
- Къыйынлы джети элни къайгъысын этер.
ВОЗНИКНОВЕНИЕ ВСЕЛЕННОЙ
Читают тему (гостей: 1)