- Къарны аманнга къазан такъдырма, къолу аманнга от джакъдырма.
- Адеби болмагъан къыз – тузсуз хант.
- Акъылсызны джууукъгъа алма, акъыллыны кенгнге салма.
- Сабийликде юретмесенг, уллу болса – тюзелмез.
- Керек ташны ауурлугъу джокъ.
- Къарт айтханны этмеген, къартаймаз.
- Ач – эснер, ат – кишнер.
- Чарсда алчыны эл кёреди.
- Къартха ушагъан джаш – акъыллы, джашха ушагъан къарт – тели.
- Тёрени джагъы джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Ишлерге уял да, ашаргъа табма.
- Атадан ёксюз – бир ёксюз, анадан ёксюз – эки ёксюз.
- Къарын къуру болса, джюрек уру болур.
- Сютден ауузу кюйген, суугъа юфгюре эди.
- Юй кюйдю да, кюйюз чыкъды, ортасындан тюйюш чыкъды.
- Ач отунчуну ачыуу – бурнунда.
- Бал – татлы, балдан да бала – татлы.
- Биреуге кёлтюрген таягъынг, кесинги башынга урур.
- Джыланны къуйругъундан басарынг келсе, аны башы болгъанын унутма.
- Къонагъынгы артмагъын алма да, алгъышын ал.
- Экеу тутушса, биреу джыгъылыр.
- Халкъны джырын джырласанг, халкъ санга эжиу этер.
- Зар адам ашынгы ашар, кесинги сатар.
- Тили узунну, намысы – къысха.
- Адам туугъан джеринде, ит тойгъан джеринде.
- Къыз чыгъаргъан – къызыл къымжа.
- Байлыкъ болгъан джерде, тынчлыкъ джокъду.
- Тилсиз миллет джокъ болур.
- Келгинчи, къонакъ уялыр, келгенден сора, къонакъбай уялыр.
- Биреуню эскиси биреуге джангы болмайды.
- Къуру гыбыт бек дыгъырдар.
- Чомартны къолун джокълукъ байлар.
- Байлыкъ тауусулур, билим тауусулмаз.
- Къызбайны юйюне дери сюрсенг, батыр болур.
- Адам къыйынлыгъын кёлтюрюр, зауукълугъун кёлтюрмез.
- Айранын берсенг, челегин да къызгъанма.
- Намыс сатылыб алынмайды.
- Къумурсхала джыйылсала, пилни да джыгъадыла.
- Тилде сюек болмаса да, сюек сындырыр.
- Аууздан келген, къолдан келсе, ким да патчах болур эди.
- Эр сокъур болсун, къатын тилсиз болсун.
- Кёб къычыргъандан – къоркъма, тынч олтургъандан – къоркъ.
- Къарыусузгъа кюлме, онгсузгъа тийме.
- Сакъ юйюне сау барыр.
- Тойгъа алгъа да барма, тойда артха да къалма.
- Ёксюзню къалачы уллу кёрюнюр.
- От этилмеген джерден тютюн чыкъмайды.
- Аджашхан тёгерек айланыр.
- Суугъа – чабакъ, къаягъа – ыргъакъ.
Аят Аль-Курси и его значимость.
Читают тему (гостей: 1)