- Аш иеси бла татлыды.
- Чалманны аллы къалай башланса, арты да алай барады.
- Байлыкъ болгъан джерде, тынчлыкъ джокъду.
- Бастасын ашагъан, хантусун да ичер.
- Айырылгъанланы айю ашар, бёлюннгенлени бёрю ашар.
- Тюзлюк тас болмайды.
- Къолунгдан къуймакъ ашатсанг да, атаны борчундан къутулмазса.
- Суу кетер, таш къалыр.
- Дженгил джетерикме деб, узун джолну къоюб, къысхасын барма.
- Ачылгъан эт джабылыр, кёрген кёз унутмаз.
- Тилде сюек болмаса да, сюек сындырыр.
- Кийиминг бла танылма, адамлыкъ бла таныл.
- Кёбге таш атма.
- Джиби бир къат джетмей эди да, эки къат тарта эди.
- Суугъа – таянма, джаугъа – ийнанма.
- Терек ауса, отунчу – кёб.
- Джаз бир кюнню джатсанг, къыш талай кюнню абынырса.
- Тенгни тенглиги джашай барсанг билинир.
- Байлыкъдан саулукъ ашхыды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джаралыны джастыгъында сау ёлюр.
- Билим къая тешер.
- Хата – гитчеден.
- Ётюрюкню башын керти кесер.
- Алма терегинден кери кетмез.
- Джерни букъусу кёкге къонмаз.
- Айран тёгюлсе, джугъусу къалыр.
- Къарыусузгъа кюлме, онгсузгъа тийме.
- Ариуну – ауруу кёб.
- Таукел адам тау тешер.
- Джыйырма къойну юч джыйырма эбзе кюте эди.
- Ашыкъгъан cуу, тенгизге джетмез.
- Кютгени беш эчки, сызгъыргъаны уа, джерни джарады.
- Терслик кетер, тюзлюк джетер.
- Битмегеннге сакъал – танг.
- Къатыны харакетли болса, эри къымсыз болур.
- Къарт болгъан джерде, берекет болур, сабий болгъан джерде, оюн болур.
- Аман адам этегингден тутса, кес да къач.
- Тили узунну, намысы – къысха.
- Акъыл аздырмаз, билим тоздурмаз.
- Къартны сыйын кёрмеген, къартлыгъында сыйлы болмаз.
- Мухар, кеси тойса да, кёзю тоймаз.
- Джюрекден джюрекге джол барды.
- Тойгъан антын унутур.
- Адамны аманы адамны бети бла ойнар.
- Чомарт джарлы болмаз.
- Хантына кёре тузу, юйюне кёре къызы.
- Суугъа – чабакъ, къаягъа – ыргъакъ.
- Эркишиге тары кебек танг кёрюнюр.
- Иги джашны ышаны – аз сёлешиб, кёб тынгылар.
В субботу, 26 мая в 19 часов состоится собрание Совета форума.
31.05.2007 13:35:12
Beeline
Муза Всё очень серьёзно. |
||||
|
|
|||
Читают тему (гостей: 1)