- Окъ къызбайны джокълайды.
- Бети къызарыучу адамны, джюреги харам болмаз.
- Аууздан келген, къолдан келсе, ким да патчах болур эди.
- Ана къойну – балагъа джандет.
- Малны кют, джерни тюрт.
- Бал ашаргъа сюе эсенг, чибин ургъаннга тёз.
- Тенги кёбню джау алмаз, акъылы кёбню дау алмаз.
- Бал чибинни ургъаны – ачы, балы – татлы.
- Бал – татлы, балдан да бала – татлы.
- Къозулугъунда тоймагъан, къойлугъунда тоймаз.
- Ашхы – джыяр, аман – джояр.
- Ханы къызы буюгъа-буюгъа киштик болду.
- Кийимни бичсенг, кенг бич, тар этген къыйын тюлдю.
- Ашхылыкъ джерде джатмайды, аманлыкъ суугъа батмайды.
- Башсыз урчукъ тюзюне айланмаз.
- Ишге юренсин къоллары, халкъ бла болсун джоллары.
- Бёрю да ач къалмасын, эчки да ашалмасын.
- Баланы адам этген анады.
- Джыланны къуйругъундан басарынг келсе, аны башы болгъанын унутма.
- Эринчекни аурууу – кёб.
- Къыз тиширыу кеси юйюнде да къонакъды.
- Къарыусузгъа кюлме, онгсузгъа тийме.
- Айтылгъан буйрукъ, сёгюлмез
- Таукел къуру къалмаз.
- Тюз сёз баргъан сууну тыяр.
- Бетинги сатма, малынгы сат.
- Ойнай билмеген, оюн бузар.
- Эл ауузу – элек, анга ийнаннган – халек.
- Къошда джокъгъа – юлюш джокъ.
- Ашаса, ашамаса да, бёрюню ауузу – къан.
- Чакъырылмагъан къонакъ тёрге атламаз.
- Сёз садакъдан кючлюдю.
- Элде адам къалмаса, ит тахтагъа минер.
- Къызын тута билмеген, тул этер, джашын тута билмеген, къул этер.
- Арпа, будай – ащды, алтын, кюмюш а – ташды.
- Къая джолда джортма, ачыкъ сёзден къоркъма.
- Ётген ёмюр – акъгъан суу.
- Юйюнг бла джау болгъандан эсе, элинг бла джау бол.
- Кёбге таш атма.
- Аманны къуугъан, аманлыкъ табар.
- Джаш къарыу бла кючлю, къарт акъыл бла кючлю.
- Кёз – сюйген джерде, къол – ауругъан джерде.
- Джюрекден джюрекге джол барды.
- Эки къатын алгъан – эки ташны ортасына башын салгъан.
- Ач келгенни – тойдур, кеч келгенни – къондур.
- Онгсузну – джакъла, тенгликни – сакъла.
- Танг атмайма десе да, кюн къоярыкъ тюйюлдю.
- Уллу сёлешме да, уллу къаб.
- Таш бла ургъанны, аш бла ур.
- Шекер бла туз – бир болмаз, ушамагъан – юй болмаз.
В субботу, 26 мая в 19 часов состоится собрание Совета форума.
31.05.2007 13:35:12
Beeline
Муза Всё очень серьёзно. |
||||
|
|
|||
Читают тему (гостей: 1)