- Керилген да, ургъан кибикди.
- Ашха уста, юйюнде болсун
- Билимден уллу байлыкъ джокъду.
- Тенгни тенглиги джашай барсанг билинир.
- Огъурлуну сёзю – суу, огъурсузну сёзю – уу.
- Олтуруб кёрюнмей эди да, ёрге туруб кёрюне эди.
- Аш кетер да бет къалыр.
- Айтханы чапыракъдан ётмеген.
- Мен да «сен», дейме, сен да «кесим», дейсе.
- Тюзлюк шохлукъну бегитир.
- Аз айтсам, кёб ангылагъыз.
- Эл элде бирер малынг болгъандан эсе, бирер тенгинг болсун.
- Баш – акъыл ючюн, акъылман – халкъ ючюн.
- Эрни эр этерик да, къара джер этерик да, тиширыуду.
- Джюрекге ариу – кёзге да ариу.
- Насыб бютеу халкъны юлюшюдю.
- Ойнаб айтсанг да, эслеб айт.
- Бал – татлы, балдан да бала – татлы.
- Кёб джашагъан – кёб билир.
- Сескекли кесин билдирир.
- Акъыллы эркиши атын махтар, акъылсыз эркиши къатынын махтар.
- Джаз бир кюнню джатсанг, къыш талай кюнню абынырса.
- Харам къарнашдан, халал тенг ашхы.
- Билеги кючлю, бирни джыгъар, билими кючлю, мингни джыгъар.
- Сабийни джумушха джибер да, ызындан бар.
- Ашхы адам – халкъ байлыгъы, ашхы джер – джашау байлыгъы.
- Джаралыны джастыгъында сау ёлюр.
- Джыгъылгъанны сырты джерден тоймаз.
- Кёкдеги болмаса, джердегин кёрмейди.
- Кийимни бичсенг, кенг бич, тар этген къыйын тюлдю.
- Айтхан – тынч, этген – къыйын.
- Мал ёлсе, сюек къалыр, адам ёлсе, иши къалыр.
- Эр абынмай, эл танымаз.
- Бек ашыкъгъан меннге джетсин, дегенди аракъы.
- Адамны сыфатына къарама, сёзюне къара.
- Тулпарлыкъ, билекден тюл – джюрекден.
- Сибиртки да сыйлы болду, кюрек да кюнлю болду.
- Къралынгы – душмандан, башынгы от бла суудан сакъла.
- Тёзген – тёш ашар!
- Иши джокъну, сыйы джокъ.
- Артына баргъанны, къатына барма.
- Ёгюзню мюйюзлери ауурлукъ этмейдиле.
- Чабакъсыз кёлге къармакъ салгъанлыкъгъа, чабакъ тутмазса.
- Ауузу аманнга «иги», деме.
- Битмегеннге сакъал – танг.
- Къуру гыбыт бек дыгъырдар.
- Къонагъы джокъну – шоху джокъ.
- Ёксюзню тилеги къабыл болур.
- Эл ауузу – элек, анга ийнаннган – халек.
- Ач да бол, токъ да бол – намысынга бек бол.
Нововведения, механизмы реализации и правила пользования.
24.07.2007 00:17:18
Arturjan
Вообще, когда переносится, пишется ЛС автору темы, где его предпреждают. Но оказывается об этом не все знали, теперь будут знать. |
|
|
|
24.07.2007 00:31:37
Ванхельсинг
Не только автор может писать в этой теме. Подумай и об этом тоже. Другие пользователи тоже имеют право знать, куда исчезают темы. |
|
|
|
24.07.2007 00:33:07
|
||||
|
|
|||
Читают тему (гостей: 1)