- Окъуусуз билим – джокъ, билимсиз кюнюнг – джокъ.
- Башынга джетмегенни сорма.
- Адамны аты башхача, акъылы да башхады.
- Элде адам къалмаса, ит тахтагъа минер.
- Магъанасыз сёз – тауушсуз сыбызгъы.
- Келлик заман – къартлыкъ келтирир, кетген заман – джашлыкъ ёлтюрюр.
- Къызны минг тилер, бир алыр.
- Этни да ашады, бетни да ашады.
- Аджал соруб келмез, келсе, къайтыб кетмез.
- Тойгъан антын унутур.
- Тешигини къатында, чычхан да батыр болур.
- Аз айтсам, кёб ангылагъыз.
- Тилчи тилден къаныкъмаз.
- Адамны аманы адамны бети бла ойнар.
- Ата Джуртча джер болмаз, туугъан элча эл болмаз.
- Ата – билек, ана – джюрек!
- Эрни эр этерик да, къара джер этерик да, тиширыуду.
- Нёгер болсанг, тенг бол, тенг болмасанг, кенг бол.
- Къозулугъунда тоймагъан, къойлугъунда тоймаз.
- Агъач – джерни чырайы, кийим – эрни чырайы.
- Ишни ахырын ойламай, аллын башлама.
- Эри аманны, къатыны – аман.
- Сакъламагъан затынга джолукъсанг, не бек къууанаса, не бек ачыйса.
- Билим къая тешер.
- Билимсиз иш бармаз.
- Биреуню эскиси биреуге джангы болмайды.
- Ариу сёз аурууунгу алыр.
- Билимден уллу байлыкъ джокъду.
- Джарлыны эшигин махтагъан джабар.
- Ойнай билмеген, уруб къачар.
- Джюз элде джюз ёгюзюм болгъандан эсе, джюз джууугъум болсун.
- Ариу сёз – джаннга азыкъ, аман сёз – башха къазыкъ.
- Сёз къанатсыз учар.
- Къатын къылыкъсыз, эр тынчлыкъсыз.
- Тёгюлген тюгел джыйылмайды.
- Эрине къаргъыш этген къатын, эрнин къабар.
- Билмейме деген – бир сёз
- Битмегеннге сакъал – танг.
- Терек ауса, отунчу – кёб.
- Хоншуну тауугъу къаз кёрюнюр, келини къыз кёрюнюр.
- Тыш элде солтан болгъандан эсе, кесинги элде олтан болгъан игиди!
- Ата Джуртуму башы болмасам да, босагъасында ташы болайым.
- Чомартны къолун джокълукъ байлар.
- Эркишиге тары кебек танг кёрюнюр.
- Окъугъан – асыу, окъумагъан – джарсыу.
- Аман адам этегингден тутса, кес да къач.
- Гугук кесини атын айтыб къычыргъанча, мен, мен деб нек тураса?
- Кюн кёрмеген, кюн кёрсе, кюндюз чыракъ джандырыр.
- Сакъалы текени да бар, мыйыгъы киштикни да бар.
- Чыкълы кюнде чыкъмагъан, чыкъса къуру кирмеген.
[ Закрыто ] Правила Форума
Читают тему (гостей: 1)