- Ачны эсинде – аш.
- Джукъу тёшек сайламайды.
- Аман къатын алгъан, арыр, иги къатын алгъан джарыр.
- Ач келгенни – тойдур, кеч келгенни – къондур.
- Адам туугъан джеринде, ит тойгъан джеринде.
- Джеринден айырылгъан – джети джылар, джуртундан айырылгъан – ёлгюнчю джылар.
- Урунуу – насыбны анасы.
- Ёлюк кебинсиз къалмаз.
- Аман къатын сабий табса, бий болур…
- Ёмюрлюк шохлукъну джел элтмез.
- Адамгъа аман кюн соруб келмейди.
- Кёб джашагъан – кёб билир.
- Намысы болмагъанны, сыйы болмаз.
- Къыйынлы джети элге оноу этер.
- Кесине гебен этелмеген, биреуге черен эте эди.
- Аман хансны – урлугъу кёб.
- Адамны адамлыгъы къыйынлыкъда айгъакъланады.
- Душманны тышы – акъ, ичи – къара.
- Акъыл неден да кючлюдю.
- Къартны сыйын кёрмеген, къартлыгъында сыйлы болмаз.
- Термилгенинги табмазса, кюлгенинге тюберсе.
- Джумушакъ сёз къаты таякъны сындырыр.
- Аджаллыгъа окъсуз шкок атылыр.
- Бал чибинни ургъаны – ачы, балы – татлы.
- Дуния малгъа сатылма, кесингден телиге къатылма.
- Джиби бир къат джетмей эди да, эки къат тарта эди.
- Тойгъан джерден туугъан джер игиди.
- Уллу атлама – абынырса, уллу къабма – къарылырса.
- Абынмазлыкъ аякъ джокъ, джангылмазлыкъ джаякъ джокъ.
- Къонакъ кёб келюучю юйню, къазаны отдан тюшмез.
- Тамырсыз терекге таянма – джыгъылырса.
- Кесинг сынамагъан затны, адамгъа буюрма.
- Джашынгы кесинг юретмесенг, джашау юретир.
- Биреуню къыйынлыгъы бла кесинге джол ишлеме.
- Нёгер болсанг, тенг бол, тенг болмасанг, кенг бол.
- Ауурну тюбю бла, дженгилни башы бла джюрюген.
- Эки ойлашыб, бир сёлешген.
- Ашаса, ашамаса да, бёрюню ауузу – къан.
- Джарлы джети элни сёзюн этер.
- Аш берме да, къаш бер.
- Джаханимни кёрмей, джандетге кёл салмазса.
- Ишни аллы бла къууанма да, арты бла къууан.
- Зарда марда джокъ.
- Акъыллы башны – тили къысха.
- Акъыллы – эл иеси, тели – эл баласы.
- Ариу – кёзге, акъыл – джюрекге.
- Садакъачыны джаны – къапчыгъында.
- Ашхы болсанг, атынг чыгъар, аман болсанг, джанынг чыгъар.
- Юре билмеген ит, къонакъ келтирир.
- Уллу айтханны этмеген – уллаймаз.
Ошибка!
Для просмотра темы введите ваши логин и пароль.Пожалуйста, авторизуйтесь: